مراجعات كتاب قهوة و شيكولاتة

هو الكتاب مش قادر اعتبره شعر أوي يعني :)

حاسس إنه كلام عادي :)

فيه حاجات حلوة و فيه جمل حلوة

من اكتر الحاجات اللي عجبتني فيه :

"تخيل"

تخيّل نفسك شجره

و اثبَت لإنك شجره

ضارب فى الأرض مسافه

وثابت

وانت أدرى.

تخيّل نفسك نور

و اِعمى لإنك نور

أنا كنت سور البير

و صَبحت جير السور.

تخيّل نفسك باب

وافتح لإنك باب

على دنيا أصلا طريق

وبينتهى بسرداب.

تخيّل نفسك ليله

واِطول لإنك ليله

و النور سقفك ..تعالى

مهما تِطول دى ليله.

تخيّل نفسك ورده

و اِزهى لإنك ورده

كل الالوان قصادى

بس الريحه واحده.

تخيّل نفسك حلم

و براحتك ماانت حلم

التتر آخر حاجه

فى دنيا أصلا فيلم.

تخيّل نفسك بيتها

و اِدفى لإنك بيتها

واِن دقت راحتها فيك

اِعرف إنك حبيتها.

تخيّل نفسك مرّه

ماتخافش جرّب مرّه

الدنيا ماشيه أسيره

فى الوقت

وهيا حُرّه.

تخيّل نفسك باقى

و اِحزن لإنك باقى

و اِحلم تلقالك حاجه

و أتحدى لو تلاقى.

تخيّل نفسك جنبى

و اِلزق لإنك جنبى

الجسم ده مش ملكى

والغنوه دى من قلبى

النص الاولانى من الكتاب تحفة بجد و اكثر من رائعة و حاجات كتير منها هى نفس الموود اللى الواحد عايش بيه و فيه .. النص التانى تحس انه ملوش علاقة بالاول اصلا حاجة كدة ملهاش معنى

......................................................

دى بعض الحاجات اللى عجبتنى

ازاى الخوف وصلنى لدرجة انى مخافش

ياللى قرفتونا بالحب انا قلبى بجد مخدش

.....

و ازاى هضحك من قلبى وانا قلبى واخدها بجد

.....

انا كوكب ماشى لوحده و مفيش للوحدة حدود

و هسيب تليفونى يرن انا اصلا مش موجود

.....

بتبنى اسطورتك كأنثى فى صمت و بتنغزينى بابتسامة كل ما اقرب افك شفرة حزنك المألوف كنت فاكرك مجنونة دلوقتى معرفش ليه بقيت متأكد

......

محتاج اقفل الدايرة بحد يسحب منى الكهربا

عشان لما الدنيا تنور يقدر يشوفنى صح

......

دا كله كوم و صديقتى الهندية كوم تانى

(( منهج حياتى ))

محاولة فاشلة جدا لكتابة شعر بالعامية اثارت اشمئزازي ..

لا في اهتمام بقافية ولا وزن ولا حتى معنى ولا احساس ..

وانما كانت مجرد صفحات من العبث ..

انا مش هتكلم المقاطع دي هي اللي هتتكلم :D

......

أخيراً

قتلت العفريتة

(طب ألف مبروك :D )

اللي ظهرت لي في الخرابة اللي كنت عايش فيها

(دي حاجة مثرة جدا :D )

ودلوقتي انا ساكن في شقة

(تدوبها في عرق العافية :v )

بس لسة خايف ..

(ايوة يعني وانا مالي :) )

......

وبلاش أألس بقى على بقيت العبث اللي موجود في الكتاب ده :D

بس كلمة لعمر طاهر ..

ياريت متكررش المحاولة دي :)

وإن كررتها شوف اشعار عمرو حسن و محمد إبراهيم الاول :)