كشري مصر

مجموعة قصص قصيرة مشطشطة وموفقة جدا في اختيار إسمها لانها فعلا كشري مصر ،تجميعة معتبرة من التفاصيل المتباعدة لكنها بشكل ما موجودة جوه حيز واحد هو مصر.

المجموعة عبارة عن مشاهدة مختصرة مكثفة دمها خفيف وشجنها قوي وحزنها مخيف.. في عين وزاوية مختلفة شافت المشاهد اليومية وحستها وعايشتها وفرزت منها تفاصيل ممتعة وقوية جدا وقدمتها بكل بساطة وسلاسة علي طبق من فضة.

التكثيف الجميل الي عمله حسن كمال فكرني بروايته المرحوم والي كان فيها نفس النوع من المفاجئة ونفس سهولة التحول الي بيطلع بيه من قلب المشهد في زاوية تانية عن طريق اللعب بالالفاظ واللغة بحرفية شديدة واتقان معهود عليه ودي مهارة مفيدة وشهية للقارئ جدا.

المجموعة علي اد ما هي مش كبيرة الا انها فعلا زحمة وكل مشهد حي ومصري جدا وفعلا القصة بتخليك تسأل ف الاول هو ايه ده الكلام ع إيه؟التساؤل ده دمه خفيف لانه بيلحقك ويقولك من غير مط وتطويل لكن اللعبة الحلوة ف الكام ثانية الي بيخليك تشغل دماغك وتوقف قرءاة وتتوقع هو قصده إيه..؟

كشري مصر هو عنوان حي وصادق جدا وجميل لانه قال كشري مصر مش كشري مصري.. لان المشاهد فعلا من شرق وغرب متجمعة بطريقة ظريفة وتتابعها عن المصري العادي البسيط بس من زاويته هو وساعات الراوي هو بيلعب معاك لعبة الالفاظ ويوديك ويجيبك وهو مبسوط انه بيفضفضلك وبيأتمنك ع سره وكأنه بيخبيه بين السطور.

المجموعة تحس فيها بمصاحبة وونس حلوين انك يا عشت يا جربت الي قاله بس هو حكاه حلو وبسط القصة لانه كمان بيتكلم في قصص عن لسان الجماد والحاجات الي بتعيش معانا ودي لغة حوارية جميلة وحوارها ثري جدا وهو قاله بشكل ممتع.

حسن كمال نجح جدا في انه يزود الدقة ساعات ويقلل الشطة لو لزم الامر لان الملح زيادة واوقات اتفنن انه يزود العدس مع الغُلب الزايد ويكتر رز عشان يشبعك ويشطشط الصلصة اساسا ويعمل المقلب دكاكيني.. وبصراحة الطبق ع بعضه مظبوط ومش عاوز كمالة ابدا.

#كشري_مصر

#حسن_كمال

▪️ نوع الكتاب : مجموعة قصصية

▪️ عدد الصفحات : ١١٣

▪️ لغة الكتاب : الفصحى

▪️ دار النشر : دار الشروق

▪️ تقييم اسم الكتاب : (٥/٥) لأن بالفعل أفضل قصة في المجموعة هي قصة كشري مصر لما لها من أثر طيب في النفس بعد قرائتها وشعورك بأهمية جبر الخواطر

▪️ تقييم غلاف الكتاب : (٣ / ٥) أعتقد بما إن الكتاب اسمه كشري مصر كان ممكن نضيف ليه صورة طبق كشري حتى تكتمل الصورة مع الاسم

▪️ ملخص الكتاب :

-الكتاب عبارة عن ٢٠ قصة حياتية واجتماعية تصور مشاهد نعيشها وتعيشنا كل يوم وتحمل أيضا قضايا اجتماعية هامة.

- الكاتب لغته قوية وسلسة ولا بستخدم العامية في الكتاب.

- تعجبني بشدة القصص النابعة من الخيال والتي تصور الجماد يتحدث وهنا تميز الكتاب باحتوائه على ٣ قصص يتحدث فيهم الجماد مثل زوج الأحذية في قصة (زوج) وقطع الشطرنج في قصة (عندما تقفز الأفيال) والتماثيل الفرعونية المرسومة على العملات الورقية في قصة (محدقون بلا عيون).

- أكثر القصص التي أعجبتني هي قصة كشري مصر وهي أقواهم على الإطلاق وربما تكون نابعة من قصة حقيقية.

- ما يؤخذ على الكتاب أن هناك بعض القصص التي تعتبر تصويرا لمشهد وفقط أو تعتبر حشوا وأكثر ما ضايقني هي بعض نهايات القصص التي لا أفهم لها رسالة أو معنى.

- الكتاب في مجمله خفيف ومسلي رشحه الكثير من القراء لي لكني أعتقد أنه overrated وهناك مجموعات قصصية أفضل منه بكثير.

▪️ تقييم الكتاب : (٣ / ٥)

مجموعة قصصية "كشري مصر"

تجربتي مع الكاتب حسن كمال كانت أكثر من رائعة - فروايته "نسيت كلمة السر" ما زالت عالقة في ذهني رغم مرور السنين منذ قرأتها!

وها أنا اليوم مع قصصه القصيرة والتي أعجبتني كثيراً - فاللغة واختيار الكلمات والتعبيرات كان ملائماً ومناسباً جداً!

وهذه المجموعة والتي لم أرى رابطاً واضحاً لقصصها إلا أنها مجموعة اجتماعية لطيفة جداً وهادئة وواقعية مع لمسة فلسفة في بعض القصص - تمتعت صراحة بقراءتها وتأثرت ببعض أفكارها!

ملحوظة: أعجبتني فكرة قصة "محدقون بلا عيون" جداً جداً!

#فريديات

انتهيت من قراءة المجموعة القصصية

"كشرى مصر"للكاتب الدكتور

"حسن كمال" لم تأخذ منى وقتا

كثيرا حتى انه يعد أقصركتاب

أنهى قرآته فى بضع ساعات متفرقة

وكعادة المجموعات القصصية فهى

تتارجح ما بين القصة الجيدة

والقصة العادية الحكاية الواقعية

والحكاية ذات الدلالة الرمزية

أبرز القصص التى اعجبتنى وانفعلت

بها ........

الهيكل _أنثى _ذكر _حكم السماء

كشرى مصر _ أدب حديث

فى المجمل المجموعة كانت بطاقة

تعارف ومن خلالها تحسس الدكتور

حسن كمال أولى خطواته نحو

الأدب والكتابة الروائية