اقتباسات من كتاب البيت القديم

مين اللي حب وعاش

بقلب لسه سليم !!

‫ كان نفسي أبقى كورال في أُغنية. كل اللي أقوله. ‫ كلمة بحبك

‫ زاد البكا غنيت

‫ زاد الوجع سِنّه

‫ يانخل لو حنيت

‫ تطرح ورق حنّة

‫ ضل الحبيبة بيت

‫ شباكه ع الجنة

‫ يشهد على ضِلْي الطريق

‫ يشهد على كُلْي الغياب

‫ لا البحر بيسلّي الغريق

‫ لا الصبر بيحلّي العذاب

‫ أنا قلبي طفل بريء

‫ واخد على التصديق

‫ بس الهوى كذّاب

‫ ماتسألنيش عن المقدور ‫

ولاتسألني ع الأسباب

‫ أنا ويّاك حضور بـ حضور

‫ أنا ويّاك غياب بـ غياب

‫ كل الحروف. اتبعترت جوابات

‫ كل الظروف. اتبدلت حكايات

‫ لا صبر عاد نافع

‫ ولا اللي فات راجع

‫ قلّبت ليه المواجع.

وفضلت فـ اللي فات

‫ قسّمنا الحاجات. على بعض

‫ قسمتها فـ السماوات.

وأنا قسمتي فـ الأرض

أوّل حدود الوجع

‫ آخر حدود الصبر

لسه فـ قلب الوَدَعْ ‫

صوت الفراق للبحر

‫ الخلق كان فـ السما ‫

والأرض هيّ الأصل

‫ الهجر هجر. إنّما

‫ مش كل قُربْ بوصل

جايز تكون غايب ‫ جايز

جايز أكون محروم

‫ لكن العشق لو صايب

‫ جرح الهوى بيدوم

‫ والصمت لو بـ الشوق

‫ بـ يبان سُكات منطوق