مراجعات رواية الحبيسة ( باليرينا الشرق )

روعة جدا و اختيار موفق للكلمات و الوصف سرد قوووى ينم عن كاتبة متمكنة من الادوات ..اسلوب رائع جدا فى الكتابة و الحوار الفصحى عجبنى جدااا ..

الروايه تستحق اضافتها لقائمة افضل الكتابات على الصعيد الدائم .. الكاتبه بتكتب بأسلوب يأخذك لعالم اخر و تتشوق تكمل و تكمل بدون انتظار .. ممتنه للطريق اللى صادفت فيه انامل الكاتبة و روعة كتاباتها و حبكتها .. ودمتى مبدعه 💙💙

أمنيه قنديل 💙💙

الرواية خارج نطاق المألوف رواية فيها الاكشن والدراما والخيال وجزء رومانسى من افضل الروايات اللى قرأتها بالتوفبق للكاتبة وسام الاشقر

من احسن الكتب اللي فى معرض بل جناح الابداع هو فعلا ابدا ع❤ ربنا يوفقك ويارب دايما فى تقدم باذن الله فى انتظار ابداع جديد🫣

الرواية بدايتها كانت مشوقة جدا و الاحداث كانت ممتعة فى النص الأول من الرواية بس فجاءة شعرت إن الكاتبة اتسرعت فى انهاءها بطريقة غريبة.

يعنى مثلا معرفناش إيه الحدثة اللى حصلت للبطلة و خلتها تلجا لأبو البطل و هى مريضة و على و شك الموت .

و الاهم بالنسبة ليا شخصية حازم اللى كان باين انه شخصية شريرة و بيهددها فجاءة اتحول لشخصية طيبة و عايز ينقذها .

و الصراع مابين ابو ها و عمتها اتقدم بطريقة سريعة جدا لدرجة انى مافهمتش اصلا الصراع كان اصلا بسبب ايه .

و هى كان المفروض تلجا لخالها بدل ما تفضل مستخبية فى بيت ناس غريبة كانها خادمة .

الرواية ابتدت حلو جدا بس بعد كده حسيت انها انتهت بسرعة .

رواية قطعت قلبي واجعتنى على موتها بس رواية جميلة وفيها احداث متداخلة وسريعة بس عموما اول مرة أقرأ ل وسام الاشقر وان شاء الله مش تكون اخر مرة