في 2013 ؛ تسمع عن كتاب جديد ل د\رضوى , تقرر تقرأه وتعدي الايام ولسه مقراتهوش بس لسه النية موجودة ..

في 2014 ؛ تسمع الخبر المؤسف لوفاتها وبعدها بايام يقع تحت ايدك الكتاب ,, يبقى مفيش تاجيل لازم تقرأه ..

مبحبش كتب السيرة الذاتية بس دي د\رضوى يعني اكيد استثناء ,, بدأت اقرأه واكتشفت ان الكتاب برده استثناء .. جزء منه عن سيرة مرضها وعلاجه وجزء منه عن سيرتنا ,, سيرة مصر ,, سيرة الثورة .. اكتشفت ان كنت محتاجة كتاب زي ده يجي يفكرك بالامجاد ,بالدم اللي دفعه الناس اللي ماتت وبحقهم اللي مرجعش, يديك امل ان الثورة مكملة ..

مفيش اي حيلة للفرار من حب مؤلفات د\رضوى .. هايظل ادبنا العربي يذكر تلك الاديبة المتميزة اللي موقعتش في فخ الكتابات الرومانسية زي كتير من الاديبات العرب ,,وان كان ليها رومانسيتها الخاصة في حب مصر وفلسطين والاندلس وتميم ومريد ..

رحمة الله عليكي د\رضوى .. هانفتقدك كثيرااا ..