1 فبراير 2016

الكلام اللي انت بتقوله ده كبير، يصعب على أمثالي فهمه

إليكم اخوة الدماغ وعشاق القراءة رحلة ضحية من ضحايا منظومة التعليم المصرية مع اكتر كتب غسان كنفاني اختلافاً عن باقي كتب غسان كنفاني

وهاختصرلكم الرحلة في اللي فهمته

العدالة، القانون، المنطق، الحقيقة، الواقع

قيم انسانية لا يختلف على تعريفها اتنين وعلى الرغم من ذلك نظرة كل واحد فينا ليها مختلفة، وده سبب الملاحم الأغريقية اللي بتحصل في المحاكم من ساعة مالبشر عرفوا المحاكم

احنا هنا قدام مأساة من المآسي دي بتظهرلك التباين في وجهات النظر الإنسانية للقيم الإنسانية خلال محاكمة على جريمة قتل

لما نقول الكلام ده عادي بيقى نسيباً بسيط ومفهوم لكن لما نحطه في سياق عمل أدبي بيتكلم بيحكي قصة ممكن جدا تحصل في الواقع هنا الأمور ممكن تتلخبط

الرواية متميزة جدا واعتقد اني هحتاج اقراها تاني عشان أفهمها