أول كتاب ليا في 2016

افتتاح السنة الجديدة ،

بداية اللي خلاني اقرأ الرواية دي ان كل اللي قراها من اللي اعرفهم تقريبا قالوا عليها حلوة جدا

لكن انا مقررتش اقرأها واشتريها الا لسبب اني كنت فاكرة انها هتديني معلومات كتير عن اليهود وده باين من اسم الرواية لكن للاسف اتخدعت !!

كل الي قريته فيها مجرد ذم وتحيز من الكاتبة للاسلام و مفيش معلومات موضوعية تماما عن اليهود

لذلك لم احقق هدفي من قرائتي للرواية

مزاياها :-

فيها تشويق الي حد ما كويس

الاسلوب اللغوي سليم

عيوبها

احداثها محشية في الاخر بشكل غريب !! لكن انا مقدرة ان الكاتبة استمدت بعض الاحداث من مخيلتها علي احداث الرواية الواقعية ، لكن مش بالشكل ده

اسلامهم في وقت قصير ده مقتنعتش بيه

حجتها في عرض اسباب اسلامهم ضعيفة محستهاش !!

لو كانت موضوعية قليلا في التحدث عن الديانات بوجه عام كانت الرواية هتبقي احلا .. لكنها كل شوية تذم في اليهود .. قد يكون صحيح في الحالات الغير سوية زي ما في مسلمين طباعهم سيئة برضو

لكن اليهود انفسهم معرفتش عنهم حاجة صحيحة علميا أو دينيا

هبقي أقرأ كتب بقي

غلطان اللي يعتمد علي الروايات عشان يعرف معلومات عن حاجة هو عاوزها حتي لو هتبسطله الامور لان الكاتب ممكن تكون معلوماته خاطئة او متحيز لرأي ما .. أما الكتاب الموضوعي به أدلة وافية ومشبعة عن الروايات الف مرة :)