- رغم بساطة الكتاب إلا إنه يكاد يكون تحبيشة سحرية حبيت من خلاله بعض الأغاني أكتر ما كنت بحبها قبل كده، وحبيت أكتر أغاني كانت جديدة عليا وخلت عندي فضول أسمعها، رغم إنها طبعاً مش هتنطبع عندي بمواقف زي الرائع عمر طاهر أكيد.
- الكتاب بيمثل ومضات كده من حياة عمر طاهر مقترنة بذكرياته بأغاني معينة وذكريات سماعه لكل غنوة كانت عاملة إزاي، وطريقة سرده وتذكره للتفاصيل حقيقي أغبطه عليها؟
- أخدني في رحلة بالزمن مكنتش عايزة أرجع منها أبداً، فكرني كمان بمجموعة تانية من الأغاني بتفكرني بأيام جدتي وخالي الله يرحمهم رحمة واسعة
- بشكل عام حبيت الكتاب جدا جدا جداااااااا واستمتعت بيه فعلاً، وخاصة الجزء اللي كانت عربيته بتتكلم وبتحكي فيه، وكمان عمة صديقه السورية ، وجدته.