الضرب خَلَّىْ الميدان دَوّامة بِينَا تْدور
والناس بِتِجْري وْوَرَاها العَسْكَرِي بالشُّوم
بَصّيْت أنا من ورا كِتْفي وانا مذعور
لقيت في وسط الميدان لسه "أَمَلْ" واقف!
قالوا لي بِتْحِبّ مصر، قُلت مِش عارف
المؤلفون > تميم البرغوثي > اقتباسات تميم البرغوثي
اقتباسات تميم البرغوثي
اقتباسات ومقتطفات من مؤلفات تميم البرغوثي .استمتع بقراءتها أو أضف اقتباساتك المفضّلة.
اقتباسات
كن أول من يضيف اقتباس
-
مشاركة من عبدالسميع شاهين ، من كتاب
قالوا لي بتحب مصر قلت مش عارف
-
وفي الشجاعة النَّفَرْ منهم بَقى بملايين
أما أنا، فأنا مش في السياسة مَتين
أطلَع أنا والاّ أنزِل خِلْقِتي شاعِر
لو قلت لي عيد قصصهم هابقى مش فاكِر
تروح معارضة وحكومة وكل دول يمشوا
يكونوا ناس واعية أو ناس هَبلة وانْغَشّوا
مشاركة من عبدالسميع شاهين ، من كتابقالوا لي بتحب مصر قلت مش عارف
-
ويقول بقت كلّ عَطْفَة في مصر مِن "بني مر" واللي حَكَى عن شيوعيين سنةْ سَبعينْ والاعتصام ليومين والإعتقال في الفَجْر بيرموا م البوكس أوراقْ فيها "إصحي يا مَصْر"! واللي على كل هَمّ المسلمين أُمَنا في كل ضربة عصاية يكسبوا حَسَنَة
مشاركة من عبدالسميع شاهين ، من كتابقالوا لي بتحب مصر قلت مش عارف
-
لكنْ، ورغم الحصار الماضي والحاضر
دايماً ها يفضل "أَمَلْ دُنْقُل" هِنا حاضر!
* * *
يوم الخميس، يوم بدايْةِ القصف في بغداد
فارِتْ قُدورْنا بما فيها ولَهَبْها زاد
الموت عَروسة وخُطّابها عليها حراص
يا عسكرِ اضرَبْ! ويُسْتَحْسَنْ بقى بِرْصاص
مشاركة من عبدالسميع شاهين ، من كتابقالوا لي بتحب مصر قلت مش عارف
-
فيهِ المُجَمَّعْ كإنه وهوّ مبني، هَدَدْ شِتيمة مَبْنِيَّة في وِسْط البَلَدْ يا بَلَدْ لكنّه بابْ رِزْقِ بَرْضُه مْوَظَّفِينُه كْتير لو طاح في وسط الميدان ياكل في أهلُه أَسَدْ وكل زاوية اتْمَلِت ما بين صِريخْ وزَئير ما لْهُمْش دعوة بِحاجة،
مشاركة من عبدالسميع شاهين ، من كتابقالوا لي بتحب مصر قلت مش عارف
-
ميدان في وِسْط البلد واسمه ميدان تحرير كاتب يِحَرَّرْ سِجِلاّتِ البَلَدْ تَحرير من يوم ما كان اسمُه ميدان لاسماعيليّة لِحَدّ غزو العراق في عهد "بوش" و "بلير" كان هوّ والأوبرا أوقاف أوروبيّة ملك فرنسا الفقيهْ كان ناظِرِ الأوقاف ساعاتْ وساعاتْ خواجات انجليزية
مشاركة من عبدالسميع شاهين ، من كتابقالوا لي بتحب مصر قلت مش عارف
-
مش أجنبية امّ هاشِم والاّ انا غَلطان؟!
وقام وَلَدْ مصري يِضْرَبْها بعصا خَرَزانْ
فَقام وَلَدْ مَصْري يِغْسِل وِشَّها النّازِف
قالوا لي بِتْحِبّ مصر، قُلْت مِش عارف
مشاركة من عبدالسميع شاهين ، من كتابقالوا لي بتحب مصر قلت مش عارف
-
شفت امّ هاشِم بِتِرمي حْجارة في الأزْهَرْ مش أَجْنَبِيَّة امّ هاشِم والاّ انا غَلطان؟!! مَتْروحوا بَرْضُه تْقولو لها تِمشي هِيَّه كمان! دي كانت اكبر مُحَرِّضْ ضد الامريكان الناس تشوفها يِفارِقْ عَقْلَها الميزان وَشوهِدَتْ وَيّا غيرها بْتِشْتِم السُّلطان وتسبّ كلّ جبان ويا العدى يحالف
مشاركة من عبدالسميع شاهين ، من كتابقالوا لي بتحب مصر قلت مش عارف
-
ومصر "واإسلاماه" محصورة في السينما
وكل "واإسلاماه" ما فيهاشي غير مَظْهَر
الفُرجة بالعدَسات والعسكر الشَّنْبَر
حُكّام معاهم في كار الكَلْبَشَة عُلَما
وعسكري الأمن تحت الدِّرع مِتْبَعْتَر
مشاركة من عبدالسميع شاهين ، من كتابقالوا لي بتحب مصر قلت مش عارف
-
يا مُراجِعِ التواريخ! يا مدرس الثَاْنَوِي!
المجزرة فْ كربلا كَتْ ليلة والاّ سْنين
قوللي وإمتى وفاة آخر أمير أُمَوِي
وكل بيت في العراق من يومها بيت نَبَوِي
وكل أهل العراق صاروا حَسَنْ وحسين
إتوضّوا يا زايرين أصل العراق مُصْحَف
مشاركة من عبدالسميع شاهين ، من كتابقالوا لي بتحب مصر قلت مش عارف
-
وشفت مولانا عباس ابن سيِدْنا علي
ماشي وجايب معاه القِرْبَة والرّاية
شاف اخته وولاد اخوه في الحرب عطشانين
والصهد خلّى المطر جوة الغمامه غِلي
حارب لحد الفرات وَحْدُه ومَلا القِرْبَة
قام العدى قطعوا كفوفه شمال ويمين
مشاركة من عبدالسميع شاهين ، من كتابقالوا لي بتحب مصر قلت مش عارف
-
أحكي يا قطر الندى والاّ ما لوش لازمة
حكاية ابن الأصول تفضل معاه لازمة
فيه ناس بتلدغ وناس ليها البكا لازمة
ياللي سَطَلْتِ الخليفة بجوز عينين وشْعور
كنتِ سما للأغاني والأغاني طْيور
مين اللي باعِك، عَدُوِّكْ؟ بعض أولادِك؟
مشاركة من عبدالسميع شاهين ، من كتابقالوا لي بتحب مصر قلت مش عارف
-
عزيزة القُوم عزيزة تشتغل في بيوت
عشر سنين عمرها، لكنْ حلال ع الموت
صبية تمشي تقعْ، ويقولو حُكم السِّنّ
وسِتَّها شَعرها أصفر وكُلُّه بُكَل
كإنها مْرَبِّيَة فيه أربعين كتكوتْ
مشاركة من عبدالسميع شاهين ، من كتابقالوا لي بتحب مصر قلت مش عارف
-
وكل شاعر يطبطب له ويقول "قَرَّبْ" وراح صلاح وفؤاد والتونسي مِتْغَرَّب لِحَدِّ ما الحمل أصبح شغلِةِ البَطّال وكل شاعر عَويلْ تلقيه في حمْلِكْ قال يا مصر بطنك بتكذب والا حملِك حَقّ؟ أحنا تعبنا ومافيش أشعار عشان نِكْتِبْ إبنك يا يجي،
مشاركة من عبدالسميع شاهين ، من كتابقالوا لي بتحب مصر قلت مش عارف
-
مَحلِّ بيبيعْ عصيْر بانيه "المؤَيَّد شِيخ" صاحب محلِّ وصَبِيُّه يِهْروا بعض صْريخ وفرقة بتقول موشح "يا سقاة الراح" مَدْنَة عليها المؤَدِّنْ بِالعَنا طالِعْ لكنْ أدانُه يِعَدِّي من السَّما مِرتاح! * * * والمدنة في مسجد "الحاكم بأمر الله"
مشاركة من عبدالسميع شاهين ، من كتابقالوا لي بتحب مصر قلت مش عارف
-
وِتْشِيْب أُمِّي فيْ عِشْرِينْها وِعِشْرِيني
يا أهلِ مَصرِ قُولُولي بَسِّ كامْ مَرَّةْ
ها تعاقِبوها على حُبَّ الفلسطيني
قالولي بتحب مصر، قلت مش عارف
مشاركة من عبدالسميع شاهين ، من كتابقالوا لي بتحب مصر قلت مش عارف
-
أُمِّي وْأَبوياْ الْتَقُوا والحُرّ للحُرَّة
شاعر من الضفَّة برغوثي وإسمُه مُريدْ
قالولْها دَه أجنبي، ماْ يْجُوزْشِ بِالمرَّة
قالت لهُم يا العبيد اللي ملوكها عبيدْ
من إمتى كانت رام الله من بلادْ بَرَّة
يا ناس ياْ أهل البَلَد شارياه وشاريني
مشاركة من عبدالسميع شاهين ، من كتابقالوا لي بتحب مصر قلت مش عارف
-
وِأُمِّيْ حَافْظَةْ شَوَارِع مَصر بِالسَّنتي
تقول لمصر ياْ حَاجَّة تْرُدّ يا بِنتي
تقولها اْحكِي لي فتقولِ اْبْدَئي إنتي
مشاركة من عبدالسميع شاهين ، من كتابقالوا لي بتحب مصر قلت مش عارف
-
وِأُمِّي حافْظَة السِِّيَر أَصلِ السِِّيَر كارْها
تِكْتِب بِحِبْرِ اللَّيالي تْقُوم تنوَّرْها
وتقول ياْ حَاجَّة إذا مَا فْرِحتي وحزِنتي
وفين ما كُنتي أَسَجِّل ما أَرَى للنَّاسْ
تفضل رسايل غرام للِّي يقدَّرها
مشاركة من عبدالسميع شاهين ، من كتابقالوا لي بتحب مصر قلت مش عارف
-
ماْ يْجِيشْ في بالي عُرابي ونَظْرِتُه في الخيل
وسَعْد باشا وفَريدْ وِبَقِيِّةِ التَماثيل
ولا امُّ كُلثُوم فيْ خِمْسَانْها وَلا المنديل الصُّبْح في التاْكْسِي صُوتها مْبَوَّظُهْ التسجيل
ما يْجِيشْ فيْ بالي العُبُورْ وِسْفَارِةِ اْسْرائيل ولا الحَضَارَةْ الِّليْ وَاْجْعَةْ دْماغْناْ جِيلْ وَرَا جيل
مشاركة من عبدالسميع شاهين ، من كتابقالوا لي بتحب مصر قلت مش عارف