شمياطس

دي تاني رواية اقرأها للكاتب وبجد استمتعت جدا واترعبت بردوا منها لدرجه اني وقفت قراءة بالليل لاني حسيت بالخوف وبقيت اتخيل الجن معاي في الاوضه 😂😂

ملحوظة هامة جدا⚠️⚠️⚠️⚠️

مراجعة العمل دا و السلبيات الي هذكرها من وجهة نظري الكاتب بالفعل صلحها في الأعمال الجديدة دا اول عمل للكاتب ف ياريت نراعي دا..♥️

بتبدأ احداث الرواية بشاب بيدخل شقته و يكتشف ان فيها اتنين حرامية، بعد شد و جذب واحد منهم بيطلع سكينة و يق.تل الشاب دا، بعد كدا بنشوف الصحفي أمير وهو راكب القطر و في طريقه لمحافظة المنوفية و بالأخص قرية ((شمياطس)) للتحقيق في احداث غريبة بتحصل هناك!!

ف يا تري مين الشاب الي اتقتل ف الاول و ايه علاقته بالأحداث، و هل امير هينجح في مهمته الي رايحلها وهي انه يعرف يطلع بحدث صحفي مثير، و مين جناين الي بيدور حولها علامات استفهام كتير ؟؟

و السؤال الأهم ما الذي حدث في شمياطس!!؟؟

⚠️تصلح الرواية لمن هم فوق ال١٦ سنة⚠️

انا بكدا اكون خلصت جميع اعمال الكاتب الكبير هيثم موسي و نفس الكلمة كررتها في الثلاث مراجعات ان ا هيثم راجل موهوب، و بالرغم ان دي اول اعماله و بالرغم ان في عيوب الراجل صلحها الا انه عمل يستاهل القراءة زي ما هنشوف، و طبعا دي حاجة تحتسب للكاتب جدااا انه يتطور في كل عمل عن التاني

يعني انا مثلا متوقعش ان الكاتب بتاع عمل النهاردة هو نفسه الي كتب أنتروبوفاجيا او حتي ديمنولجي..

السرد في العمل بلغة فصحي سليمة و سلسة و تصلح للأجواء العامة للرواية، الحوار جاء بالعامية المصرية و كان مظبوط و ماشي مع العمل محستش معاه بإزعاج..

وصف الشخصيات و الامكان و........ كان من جيد لجيد جدا و طبعا الكاتب وصفه اتحسن للغاية في الأعمال الجديدة، مش عايز اكرر الجملة دي كتير عشان حضراتكم متزهقوش بس كلمة الحق تتقال 😅♥️

شخصيات العمل بسيطة و قليلة لكن للاسف كانوا مسطحين، ممكن تكون جناين و ياتي بعدها أمير كويسين شوية لكن كامل، حسان حسيت ان الكاتب لم يضف لهم من البناء التاريخي و التصميم ما يجعلهم يعلقوا في ذهني كثيراً بصراحة، و برده مش عايز اكرر الجملة إيها 👆😅😅

تسلسل الاحداث و تصاعدها كان كويس.. شوية، مش هقولك هتحس بملل شديد ولكن في اوقات كنت بحس ان الرتم محتاج يشد اكتر من كدا

جرعات الرعب في العمل ممتازة، حقيقي في بعض المشاهد الي هتثير خوفك و انت بتقرأ و يا سلام لو بليل في مكان هادئ كدا..

قالب العمل في المجمل مش بيتكلم في حاجة جديدة خالص، بل بالعكس هي حاجة مهروسة، تيمة الرعب التي تنتمي للسح.ر و التعاوي.ذ و الكلام دا ...لكن... حبكة العمل صنعت إضافة عظيمة...

بالرغم و بكل صراحة اني توقعت النهاية بدري شويتين.. إلا ان الفئة الأكبر مش هتتوقعها و هتعجب بها جداا و بالربط الي هيحصل

و انا زي ما قلت فوق اني خلصت كل اعمال الكاتب هو فعلا فنان في حتة البلوت تويست دي و دا العمل الوحيد الي توقعت نهايته

ملحوظة خارج يد الكاتب، العمل يحتوي علي أخطاء لغوية كتير لدرجة الازعاج، ف دي حاجة تخص دار إبهار ياريت يخلوا بالهم منها

الخلاصة..

عمل جيد، في جرعة رعب لا يستهان بها، بسيط و هيخلص معاك بسرعة و اضمن لك حبكة في منتهي الحرافية👌

#الريفيو_الثالث

📌اسم العمل: شِمياطِس

📌اسم الكاتب: هيثم موسى

📌إصدار: إبهار

📌عدد الصفحات: 219

________________________

📌التقييم:

📌انا مش عارفه ازاي الكاتب مش بيحب الرعب وعرف يكتب العمل بالإتقان ده وأول عمل ليه ماشاء الله يطلع بالجمال ده والترابط ده.

📌ممنوع الإقتراب لـِ أصحاب القلوب الضعيفة 😈 إذا كنت من محبي قراءة الروايات عن الأعمال والسحر والشعوذة وعوالم الجان فإن هذه الرواية ستحبس أنفاسك.

📌عندما بدأت فـِ قراءة الرواية وأنا شعرت أن أستاذ "هيثم" عامل عمل للقراء😅🙆🏻‍♀️ حتي يتم ربطك بالرواية حتي لا يتمكن القارئ فكاكًا منها إلا عند إنتهائك منها.

📌تبدأ أحداث الرواية بدخول شاب إلي منزلة وعند وصوله يكتشف أن المنزل يوجد به لصوص وعند اكتشافه لا يتمكن الهرب منهم ويتمكنو من ذبحه🥹، ثم بعد ذلك ننتقل الي أحداث أخري وهي أن "أمير" محقق صحفي سافر إلي قرية "شِمياطِس" إحدي قري محافظة المنوفية، ليستكشف أشياء غريبة ومريبة وغامضة، سافر إلي هذه القرية ليحقق فـِ موضوع فتاة اسمهاه "جناين" التي يلقي عليها اهل القرية اللوم و انها نذير شؤم و الذي بسببها تحصل هذه الأفعال منذ ولادتها ظلت تعاني هذه الفتاه طوال حياتها بسبب أفعال والدتها التي تخص الدجل والشعوذة.

📌فهل هذه لعنة ع أهل هذه القرية؟😱

📌وهل جناين ضحية لـِ أفعال أمها السيئة ام أن لها يد فهذا الموضوع؟🤔

📌هل سيتمكن أمير من حل هذا اللغز أم سيصيبه هو أيضًا جزء من هذه الأمور المريبة؟

📌وعلي طريقة العوام "طباخ السم بيدوقة"🫣 لقد أذاقنا الكاتب من عمق روايته وفكرته "شِمياطس" جرعة من الاعمال والأسحار سرعان ما اختلط مع الدورة الدموية فسار من الصعب مغادرة الرواية قبل نهايتها.

📌الرواية ممتعة ومثيرة ومشوقة بشكل لا يوصف أستاذ هيثم كان محافظ من اول صفحه فـِ الرواية لحد الأخر ع عنصر التشويق والغموض طوال أحداث الرواية، لدرجة أني كل ما تنتهي من حل لغز يظهر لغز أصعب من اللي قبله واللغز المحير الاساسي فـِ الرواية مين اللي بيعمل كل دة، والصراحة انا كنت متوقعه الشخصية اللي ظهرت فـِ نهاية القصة مكنتش مرتاحة ليها 😅🫠.

📌السرد بالفحصي والحوار بالعاميه مناسب بنسبة بسيطة لـِ اجواء الرواية، اسلوب الكاتب سهل وبسيط ومفيش أي مط فـِ الرواية ليشعرك بالملل، أحداث مترابطة والحبكة كانت متقنة جدًا.

📌شكرًا ع الأجواء الريفية وشكرًا ع السفرية الحلوة اللي حدثت من خلال أحداث الرواية شعرت بنسمة الهواء ورائحة الزرع وجمال الريف.

📌مبارك لك روايتك الأولي إنها أصدرت بالجمال والروعة دي بالتوفيق والنجاح الدائم لك🥰🧡

#هيثم_موسي

#شمياطس

#قراءات_2022

#مراجعات_اسـماء

#ترشيحات_أسماء

#أبجد_في_فنجان_قهوه_وكتاب

#ماراثون_القراءة_الإلكترونية

#الأقلام_الشابة_والكاتبة

#ماراثون_المبهرين

#ألتراس_شغف_الكتب

#فنجان_قهوه_وكتاب

ايه الرعب ده 😟