" صائد اليرقات " اول قراءة ليا لامير تاج السر وتانى قراءة ليا للادب السودانى بعد قراءتى لرواية " موسم الهجرة إلى الشمال " للطيب الصالح اللى خلتنى اخاف اقرا اى حاجة من الادب السودانى خاصة وانها مش عجبتنى بالرغم من الضجة المعمولة عليها

صائد اليرقات قدرت تشدنى من اول صفحة وخلتنى اكملها بسرعة غريبة بالرغم انى مشغولة ف التمهيدى بس فعلا تاج السر قدر يخلينى اكمل الرواية بسرعة ف اقل من يوم واحد

صائد اليرقات بتتكلم عن عبد الله فرفار او عبد الله حرفش اللى كان شغال ف جهاز اشبه بأمن الدولة عندنا وشغلته كلها بتنصب ف جمع تقارير عن المشبوهين او اللى بيثيروا شكوك حواليهم وفجأة احيل للتقاعد بعد ما عمل حادثة شغل ومات صحابه فيها واصيب آخر بفقدان الذاكرة

وفجأة ظهر ف دماغ فرفار انه يعمل رواية بالرغم انه عمره ما قرأ او فتح رواية ف حياته وعشان كده راح لقهوة معروفة للمثقفين وقابل هناك الروائى " ا . ت " اللى مخدش بالى إلا ف الآخر انه هو امير تاج السر نفسه .. وبدأ فرفار يعرض عليه فكرته الروائية وهنا قاله ا . ت جملة لخصت معنى الرواية " "أنا أشبه الكتابة بأطوار نمو الحشرة، أنت كتبت يرقة لن تنمو إلى شرنقة وتكمل دورتها، هذا التقرير الأمني مجرد يرقة ميتة خرجت من ذهنك، حاول أن تطورها إلى بقية الأطوار "

ومن هنا تحول فرفار او حرفش لصائد يرقات تصلح لرواية جيدة

نهايتها مكنتش متوقعة بالنسبالى وفجأتنى كتير .. بس مجمل الرواية شجعنى انى اقرا حاجة تانية لتاج السر