مش عارفة محبتهاش اوى .. حسيت انى بتفرج ع فيلم عربى قديم .. القصة بإختصار بتدور عن بنت اسمها ماجدولين وولد اسمه استيفن كان ساكن ف نفس بيت البنت وحبوا بعض .. وزى الافلام العربى لما ابو البنت عرف طرد الولد عشان فقير ومش بيشتغل .. فاتفق الولد مع البنت انهم يستنوا بعض لحد لما يسافر ويشتغل ويرجع بفلوس .. وسافر استيفن وواجه ظروف صعبة ولما بدأ يتغنى لقى ماجدولين اتجوزت واحد صاحبه بسبب ضغط ابوها وصاحبتها .. وفضل استيفن محموم بسبب الحوار ده وفجأة يحصل خلاف بين ماجدولين وجوزها ويخسر فلوسه كلها ف القمار واستيفن يساعده بس ف الآخر هينتحر وهيسيب ماجدولين لوحدها وهى حامل من غير ما يكون حد جنبها خصوصا بعد ما ابوها مات وصاحبتها سابتها .. وحاولت ماجدولين ترجع لاستيفن لكنه رفض فانتحرت وسابتله البنت وهو ف الآخر مات ووصى انه يدفن معاها
حسيت انى شايفة فيلم والبطلة فاتن حمامة والبطل عمر الشريف وابوها زكى رستم وجوزها رشدى اباظة وصاحبتها منيرة سنبل اللى كانت عاملة دور زميلة صباح ف فيلم شارع الحب
الـ3 نجوم بسبب تشبيهات المنفلوطى الجميلة واللى عجبتنى اوى ف الرواية اكتر من القصة والسياق نفسه