بيتكلم الكاتب عن واقع مجتمعنا العربى عامة و مصر خاصة حالة الفرقة و الهمجية و سوء الادارة و التفكير اللى وصل ليها مجتمعنا بطريقة ساخرة و للاسف حقيقية .. كتاب بيبين بجد عبقرية الكاتب فى طرح المشكلة اللى بنعانى منها فى بلادنا و تميز بجد فى اختيار عناوين المقالات اللى اتكون منها الكتاب و فى اسلوبه انه اتكلم بشكل عام فى كل المقالات لحد ما طرح المشكلة كلها متجمعة فى اخر الكتاب الا و هى

-----------------------------------------------------

خيبتنا الحقيقية فى عصرنا اننا بلا مقياس وبلا حدود و بلا ضابط وبلا رابط .. ندخل المعركة لا نطلق فيها اى طلقة و نسميها ام المعارك .. ندوخ دوخة الارملة ثم نعلن اننا كنا على موعد مع القدر .. ترتفع الاسعار كل يوم فى بلادنا لتصل لارقام فلكية ثم نعلن اننا دخلنا عصر الرخاء .. نأكل ضربا لا يأكله حرامى فى مولد و نصدر عملة عليها علامة الانتصار .. تقوم مظاهرة فى مدينة صغيرة فنضربها بمدافع الميدان ثم نتهم المشاركين فيها بالخيانة .. و نؤكد ان كل فرد فى المظاهرة حصل على عدة ملايين من الدولارات مع ان اغلب المشتركين فى المظاهرة ينامون من غير عشاء .. واى معارض لنا نتهمه بالخيانة و كل من يخالفنا الرأى جاسوس و كل من ليس معنا فهو ضدنا .. وليس فى الدنيا اصوب من احكامنا ولا احكم من قراراتنا ولا اشرف من اخلاقنا ولا اطهر من ارومتنا.. صنفنا و خلقنا للريادة و السيادة .. كلام و طق حنك و دردشة و رغى عمال على بطال .. لا احد يستطيع ان يعرف جدنا من هزلنا فنحن نجد فى ساعة الهزل ونهزل فى ساعة الجد