ممكن تكون ناس كتير شافت لكتاب ممل ومالوش اى لازمه بس انا راى انه رائع بيورينا نفسنا من برا ازاى بنقدر نحكم على اشخاص من مجرد مظهرهم وندخل نواياهم يعنى هنا كل الاشخاص حكمت على البطل انه عاق وانه عنده مشكله نفسيه واتهمته بالقتل عن عمد دا غير انهم اتدخلوا ف حياته الاسريه وانه وافق ان امه تعيش فى دار وليس ف منزله ... طب مين ادالهم الحق فى ده ؟؟ من اجل التشهير بالقضيه دخلوا فى امورة الشخصيه وعلاقته بحبيته برده مين ادالهم الحق ؟؟ .. انا طول ما نا بقرا الروايه مافيش ع لسانى غير كلمه واحده "وانتوا مالكوا " حسستنى قد ايه اننا بمجرد كلكمات بسيطه بننتهك حقوق الاخرين وخصوصياتهم يمكن مش ده المقصود منها بس ده اللى وصلنى منها وباعتقادى انها رساله مهمه . ففى النهايه مش معنى انه غريب انه يتم نبذه من المجتمع فدايما الابداعات والناس اللى بيقدرها التاريخ كانت غريبه فى عصرها ومجتمعها نبذها .واخيرا بلاش نحكم على حد من مظهره او بمعنى اصح بلاش تحكم على حد اصلا لانه مش من حقك !!!