و كعادة اليومين دول عايز اى منتج ليك ينجح الزق فيه كام حديث ع كام آيه :/
وطبعا زى ما شوفنا " المانكيير الاسلامى " و " المايوه الاسلامى " و " ال دى جى الاسلامى " طبيعى نلاقى كتاب تنمية بشرية اسلامى
الأهم من هذا كله ما يلى :
1- اتسم الكتاب بالسطحية الشديدة و التفكير اللامنطقى فالكاتب يرى انه طالما انت مسلم فيجب ان تكون الافضل و الاجمل والاروع !!!!..... فهو لا يدرى ان مجرد كون الانسان مسلما ينطق بالشهادتين لا يجعله ملاكا يمشى على الارض و ان النبى محمد نفسه قال " الناس معادن خيارهم فى الجاهلية خيارهم فى الاسلام "
2- اعتنق الكاتب جملة محمد عبده التى قالها عندما سافر اوروبا " رأيت هناك اسلاما بدون مسلمين اما عندنا فمسلمين من غير اسلام " ....... وكأن الاتقان ف العمل والاخلاص فيه مبادىء تقتصر على الاسلام فقط !!!!
3- الكتاب به العديد من الكلام والافكار المكررة
هذه الخواطر تصلح ان تكون " استيتوس ع الفيس بوك " و لا تستحق جمعها فى كتاب