لما حطيت الكتاب بحالة القراءة الحالية بعت لي أحد الأصدقاء كلمة وحدة"مؤثرة"

بجد الرواية دي مؤثرة جدا جدا.. انا حاسة نفسي بحالة صدمة من يوم ما بديت بقرايتها لحد النهارده.. مش بحالة صدمة بس لأ و خوف كمان

خوف من كل حاجة.. خوف من نفسي .. خوف من الناس لما ما بتعذرش المريض .. خوف من ان الواحد لما يقع في مشكلة حيفضل طول عمره يتحمل عواقبها...

طول ما انا بقرا في الرواية و انا محددة ان الكاتب بيحكي عن مدمني المخدرات بس لكن لما مشيت فيها ووصلت الخمس الاخير اكتشفت ان المدمن ده ممكن يكون مدمن اي حاجة تانية غير المخدرات.. ممكن يكون عبد لستميت حاجة مدمرة حياته و رافض هو انو يعترف حتى اني دي مشكلة تماما زي ما رفض صلاح بعد 17 سنة ادمان انو يعترف بانو مدمن..

عانيت كتير أوي مع الرواية دي و خصوصا لما اكتشفت امه انو بيتعاطى"بيضرب" بودرة.. ده انا بكيت وقتها و عرفت احنا بنجر اهالينا لحد فين.. لكن ارجع و اقول في امل بالآخر و صلاح مبطل لحد النهاردة..

رب امنحني السكينة لأتقبل ما لا أستطيع تغييره و الشجاعة لتغيير ما استطيعه و الحكمة للتفريق بينهما

يا رب