"متحكمش على كتاب من الصفحات الأولى" ..

ده بالظبط اللي حصل معايا ..

في البداية محبتش الرواية حسيتها ساذجة جداً ..

واحد عايز يثبت لواحدة انه بيحبها وعشان ابوها يوافق على الجواز يقوم نازل سرداب ؟!! o.O

المنطقي انه يشتغل على نفسه اكتر أو يشوف وظيفة افضل مثلاً ..

بس من ساعة ما وصل أرض زيكولا والفكرة اللي في دماغي عن الرواية اتغيرت تماماً ..

في ابتكار كده أجدع :D

عيشت مع الأحداث واتأثرت بيها لدرجة اني روحت لوالدتي قولتلها : ماما .. تعملي ايه لو البيع والشراء بقى بوحدات الذكاء ؟! :D

الفكرة نفسها مختلفة وجميلة فيها صحيح شوية ثغرات بس بالنسبة لإنها الرواية الأولى للكاتب ده يعتبر إنجاز كبير :)

في إنتظار أعمال الكاتب القادمة ..

وأنا متأكدة إن مستواها هيكون عالمي بإذن الله ^_^