ممكن أقول ان سبب قراءتي للرواية دي هو برنامج العباقرة الي اتذكر ت ف فقرة الأدب فيها اكتر من مرة وبرغم ان عندي ثلاث روايات لاشرف العشماوي هي تويا والبارمان والمرشد الا اني مقرأتش الا تويا بس لاسباب كتيرة اهمها قلة الوقت
سيدة الزمالك تحفة فنية فعلا بداية من الغلاف الابيض والاسود الرائع للاحداث المشوقة اللي بترجعك تاني لفترة زمنية مهمة في مصر للنهاية اللي عجبتني جدااا
بالتأكيد بعد قراءة سيدة الزمالك لازم اقراء باقي اعمال المؤلف لان فعلا اسلوبه مشوق ورائع
مبحبش اكتب ريفيوهات عشان محرقش الاحداث
بس خلال اليومين اللي قرأت فيهم الرواية فضلت مشغولة طول الوقت ب ناديا وزينب وعباس المحلاوي , عباس واللي تاني مرة اكرة السم ده ف رواية وكأنة مثال للشر
معرفش لية افتكرت عباس في نحن لا نزرع الشوك وكأن اسم عباس مرادف للشر والقسوة
رواية فعلا تستحق القراءة :)