عارف انت لما تدمع وتتأثر لما تبقى بتتفرج على فيلم والبطل بيموت فى اخر مشهد وهو ماسك ايد البطلة وانت طبعا مش ملاحق على دموعك اللى نازلة و....... ولا بلاش 🤦🏼♀️
ده اللى حصل معايا فى الرواية ديه ، فى البداية مكنتش متحمسة لانها بتحكى قصة خيانة من الآخر و بصراحة كنت مش مستسيغة الفكرة ورافضها فى الأول 🙄 لكن مع التعمق حبيت الأسلوب وتجاهلت الفكرة ...
يعقوب محامى وكاتب يعيش قصة حب مع روضة المتزوجة من رجل يكبرها بأعوام كثيرة ولكن مقابلاتهم لا تتعدى الاربع مرات فى السنة مثلا ...
محكوم عليه بالموت بسبب مرضه يحكى قصة حبه فى مستشفاه لممرضته واصدقاءه فى المستشفى ( الطبيبة النفسية و القسيس و صديق آخر )
القصة زى ما قولت بالرغم من أنها خيانة إلا أنى استمتعت بطريقة الحكى واتأثرت بقصة الحب ...
اللى انا شاكة فيه بقى أن ممكن قصة الحب ديه اصلا من خيال البطل ، هذيان ما قبل الموت او هذيان المرض 🤦🏼♀️