اسم المجموعة القصصية : #قميص_لتغليف_الهدايا
اسم الكاتب : #أحمد_القرملاوي
عدد الصفحات : ١٢٠
دار النشر : #الدار_المصرية_اللبنانية
عادة لا تستهويني القصص القصيرة ، لأسباب كتير أنى بحس معاهم أنى مدخلتش فى تفاصيل الحدوتة وأبطالها وتخيلتهم .. فمجرد ما تبدأ 🏃🏼♀️قصة 📖وتندمج بتلاقيها خلصت 🚪.
فاهمة ومقدرة أن بيبقى الكاتب عايز يوصل الحكمة أو المغزى من كل قصة فى أقل سطور وتفاصيل ممكنة…
أنا بس اللى بحب أعيش وأتعايش واخد راحتى مع أبطال الرواية وما يمنعش أشرب معاهم شاى ☕️🫖
ولكن ده مابلحقش احسه فى القصص القصيرة حتى مبعرفش أوجب مع البطل وارحب به 😃
تخوفت أبدأ المجموعة ديه بالذات … لسبب ان كاتبها له محبين كتير ف لو ابديت اعتراضى معروفة هلاقى هجوم عليا … وانا مبعرفش اجامل وامسك لسانى🤫
بس عند فى نفسى وكمان بعد تشجيع بعض من أصحابى اللى بثق فى ذوقهم الادبى … تشجعت خاصة لما قالولى أن القصص سوداوية شوية 😂 قولت بسسسسسسسس هذا ذوقى 🙋🏼♀️😃
ادينى فى المآسى والمؤثرات الدمعية هتشتغل 🥲🥲
وبدأت السفينة 🛳فى الإبحار 🌊 مع ١٧ قصة ، تنوعت الافكار واختلطت المشاعر لكن هيفضل السائد والرابط بينهم "دايما دموع دموع دموع ونشغل بعدها " وفضيت علينا الدار" للأستاذ هانى شاكر 😭😭
مش هنكر انى اعدت قراءة بعض القصص لأكتر من مرة لفهم المغزى والبعض الآخر لقطت الفكرة 💡 من وهى طايرة ✈️
اتآثرت 🥺وبكيت 😭 وجالى اكتئاب 😔☹️ وحسيت بتخبط ووجع فى ٧ قصص اللى حبيتهم وحسيتهم و علموا معايا قوى …
👇🏻👇🏻👇🏻👇�
- وليمة الحواس ✋🏻👂🏻👅👀👃�
- موت حلو المذاق ⚰️🧁
- بيت الخالة أخت الأم 🏠👩🏻🦰👵🏻
- قانون الخبز ⚖️🍞
- كادر 🖼
- حديث المنفضة 🗣🚬🕳
- قميص لتغليف الهدايا 👕🎁
-
أما باقى القصص حسيت فيهم بغموض زيادة عن اللزوم موصلنيش أى احساس ومعرفتش اوصل للهدف منهم اللى الكاتب حابب يوصله لينا مهما حاولت إعادة قراءتهم وياريت اللى فهمهم يغششنى 🤦🏼♀️
كانت رحلة مرهقة فكريا شويتين 😃
بس شكرا على التجربة وألف شكر للسفينة اللى أبحرت بيا لعوالم نفسية مختلفة وخلتنى أغوص فى مشاعر أبطال القصص..
#مكتبة_دنيا
#قراءات_٢٠٢١