«انكسر قلبى مرتين فى عشر سنوات، هو انكسار مروع، لا يُنسى، ولا يُوصف، ولا يلتئم".

أسئلة ❓❓كتير دارت فى دماغى 💭بعد الانتهاء من قراءة الرواية ديه على اعتبار أنها رواية كما ذكر على غلافها..

وياريتها أسئلة تخصنى أنا فقط لكن للاسف لقيتها بتدور من كام يوم برضه فى دماغ صديق لى وذكرها فى بوست على الفيسبوك ..

ليه دايما بنحب الناس اللى مش بيبادلونا نفس المشاعر … اعتبر ده حب من نوع متلازمة ستوكهولم ( أحب اللى يعذبنى ) مش لازم عذاب جسمانى لكن عذاب نفسى .. وهو اشد ألما من عذاب الجسد من وجهة نظرى

ليه بنروح للأشخاص الغلط ونضيع جهدنا وطاقتنا ووقتنا ونهدر مشاعرنا مع اشخاص مش حاسين بينا

هو مش تجبر منهم لكن لايملكون مشاعرهم رايحة فى اتجاه الصداقة

والصداقة والحب دونت ميكس

خدعوك فقالوا أن الصداقة ممكن تتقلب لحب

لكن هى بتبقى حب من الاول … لكن بنستعبط 😉ونسميها صداقة لحد ما طرف يجيله الجرأة أنه يعترف بحبه

ولا حب ينفع يتحول صداقة … كفاية كذب 🤥

مينفعش والله بنضحك على نفسنا ونعذبها على الفاضى

اسمعوا منى بس

❞ لا تنتظروا تعريفًا للحب، ولا قانونًا، فالعالم مكتظ بالقوانين، ولا تنتظروا تفسيرًا لماذا أحببت حبيبة، أنا نفسي لا أعرف، ولا أريد أن أعرف، بل إنني لم أسألها قَطُّ لماذا أحبت شخصًا آخر بينما كل ما أفعله كان ينطق بحبي لها".

طيب ايه علاقة اللى أنا بقوله ده كله بالرواية ..

معايا كده واحدة واحدة 🤌🏻

اولا طول ما انا بقرا الرواية كنت حاسة أنها رواية عذبة ، اسلوبها حلو لكن غير مشوق بس كنت مستمتعة ببراعة الكاتب فى التعبير عن مشاعره واللى بيدور فى عقله 💭

❞ أحببتهما أنت، وتعذبت أنا في رفع الأثقال، وإزالة الأنقاض، ومداواة البكاء على الأطلال. ❝ ( حوار العقل مع البطل )

ومع انها مش لونى فى القراءات تماما الا انى لما يصيبنى الملل والفتور من سرد قصتي حب باءوا للاسف بالفشل الذريع

وانتهوا بالفشل مش علشان قصص خيانة وكره وحقد لا باءوا بالفشل لانهم من طرف واحد للاسف

وزعلت من نفسى جدااا أنى كنت مستهترة بمشاعر " نديم " بطل الرواية ولسان حالى بيقوله طول فترة القراءة مقولة اشرف عبد الباقى فى فيلم حب البنات " وأنت هتتحب امتى يا منيل " ؟؟؟

⁠‫"طاردني سؤال معكوس: ألم أصنع ولو مرة صنيعًا خيِّرًا لوجه الله يشفع لي ألا أفقد حبيبتين وصديقتين وهما على قيد الحياة؟ "

لكن مع اخر صفحتين من الرواية ….

ستوب ✋🏻🛑… حصلى صدمة 😳.. وحزنت على البطل 😔

وقدرت مشاعره مش عايزة اقول اشفقت عليه من قلبه علشان موجعة اكتر

بس حطيت نفسى مكانه … واتوجعت على سنين ضاعت فى حب من طرف واحد … حب ميئوس منه …

هو مش متشاف … هو الأستاذ 👨🏼‍🏫… هو الصديق 👥

هو الامان 🦺والسند 💪🏻 لكنه مش الحبيب 💙

رواية تبدو عادية جدااا جداااا بس معرفش سابت عندى حزن ووجع .. 💔

❞ . ليس معقولًا ألا تصل مشاعرك إلى الآخرين على هذا النحو! إذا لم تصل على الرغم من كل ما فعلت، وعلى الرغم من اهتمامك اللافت، فلن تصل أبدًا. ❝

#مكتبة_دنيا

#قراءات_٢٠٢١