"- موضوع رسالتِي هو محاكمة العقلِ وليس العاقلِ.. واكتشاف الخللِ دون المساسِ بالمختلِّ.. فالمجرمون نوعانِ، نوعٌ يقتل بهوسٍ معيّنٍ، وهو من يستحِقّ العلاج.. ونوعٌ آخر منظّمٌ، يعرِف جيدًا ما يفعل، يكون في كاملِ وعيه في أثناءِ القتلِ، ولا يشعر بالذنبِ تِجاهه.."

بدر 🌕 معالج نفسى

شيزلونجك 💺 وورقة🔖وقلم 🖋

وتبتدى الجلسة

شغلته يسمع مرضاه ويحلل تصرفاتهم وردود افعالهم كله وهو قاعد فى عيادته

لكن حظه 🍀 بقى انه يستدعى لوظيفة معالج لمرتكبى الجرائم فى السجون ..

حلو التغيير مطلوب برضه .. كان فاكر انه هيعرف يطلع من المساجين اعترافات نفسية خليتهم يوصلوا للى هم فيه … اصله شايف ان اغلب مرتكبى الجرائم بيبقى عندهم امراض نفسية أدت لكده

ظروف اتربوا فيها ، عقدة 🪢 طفولة 👶🏻 من أشخاص محيطين بهم سواء أهل ، اصدقاء …

أو صدمة مروا بهم او لحد من المحيطين بهم عقدتهم وربت عندهم هوس الانتقام او هوس القتل .. أو وراثة 😳 وديه جديدة بالنسبة ليا ان المرض النفسى ممكن يكون وراثة 🥺

وكل واحد وطريقته بقى فى كبت جماح مرضه 😢

"هلِ الشرّ مقدّرٌ لنا.. أم أننا نحن نرسم الطريق؟ "

القصة وما فيها 💁🏼‍♀️ علشان طولت قوى 😁

مجموعة جرائم بتبدأ بمقتل مهندس 👷🏽‍♂️ وزوجته فى ڤيلاتهم 🏡 فى التجمع الخامس … هيجيبوا مين يا ولاد 🤔❓❓

طبعا حبوا يوجبوا و يرحبوا بـ "بدر" فى وظيفته الجديدة .. حلل يا مسعود … ايه سبب الجريمة .. 🔪⁉️

امممم شارلوك 🔎🧐 هيبتدى يجمع الخيوط 🧶علشان يفهم منها دماغ القاتل

" لكل سفاح نمط … ابحث عن النمط "

لكن اللى ميعرفهوش أنه فتح على نفسه فتحة معرفش يقفلها وتتوالى الجرائم ويا حبة عينى مبقاش ملاحق

ماله شغله العيادة ما كان هادى ورايق وفى الخفيف

جريمة تجر جريمة والقاتل واحد ☝🏻 " المايسترو " 🎼🎻

الرواية من وجهة نظرى مش ممتعة نهائى وبقولها بكل صراحة 🤦🏼‍♀️ …

يا خبر ازاى ❓❓

اكيد قولتوا ده نوعك المفضل جريمة 🔪+ سايكو 🤪= هذا ذوق دنيا 👌🏻

فعلا هو ذوقى بس المعيار زاد لدرجة التجزيع

كم من الامراض النفسية سيقت فى شكل اكاديمى اكتر منه روائى ومتفهمش الترابط فين …

يعنى استعراض معلومات ℹ️ 💪🏻 طبية مثلا

طيب ما هى ديه رواية مش مرجع طبى … غير المط الغير مبرر … تنفيذ الجرائم خالى من التشويق

طبعا هتقولوا كملتيها ليه دول 4️⃣1️⃣7️⃣ 📄

يا ناااااااس 🙆🏼‍♀️

علشان اعرف مين المايسترو 🎶 بس مش اكتر

بقرأ من غير حماس بس لمعرفة الجانى وسبب مرضه 🤷🏼‍♀️

فضوووووووول مش اكتر .. 🔎

❞ ⁠‫- المعرفة تقتل صاحبها، فقط حين يظنّ أنه يعرف كلّ شيءٍ عن كلِّ شيءٍ. ❝

وياريتنى ما عرفت 🙆🏼‍♀️😆

كنت افضل انه يكون فيه ترابط بين كم الامراض النفسية اللى ذكرت فى الرواية وبين الشخصيتين الاساسيتين فى الرواية " بدر " و " المايسترو "

انت هتطلع من الرواية دكتور 🥼 نفسانى 🤓 تحلل افعال الناس وديه الميزة 😅

و لو مش عندك اى مبادىء لأعراض نفسية هيجيلك بعد ما تخلص الرواية 😄

هنهى الريڤيو بالسؤال ده ❓❓

⁠‫في اعتقادك ، هل الخلل في النفس البشرية عامة ، دماغي أم نفسي ؟!