"عرفنا طول عمرنا أن الإنسان يصل إلى الغنى بسبوبة معينة!
اليوم ينزل الغنى على الناس بالبراشوت!!"
حـ***قد حـ**قد مفيش كلام 😁
المشاكل هى هى
والحوارات مدارية 😄
اعزائى القراء أنتم على موعد مع جرعة 🧪 مكثفة من الإحبااااط مع ترديد جملة " مفيش فايدة "
ليه 🤷♀️
اقولك ليه 🤔
علشان طول ما انت قاعد بتندب حظك على زمنك وتقول فى عقلك جملة " عادل إمام" فى فيلم " عمارة يعقوبيان " احنا فى زمن المسخ
اتارى المسخ موجود من زمان مش احنا بس اللى حظنا هباب وحامينا حرامينا وبلا بلا بلا
لا ده كل زمن وله مسيخه الدجال
اللى الناس هتبقى عارفة انه هو هو
بس برضه هيمشوا وراه
مغيبين بقى او متوهين كل زمن حسب الدماغ
فقر ، جهل ، عدم ايمان كلها ممكن تكون أسباب
لتصديق اى شعار او التعلق بأى حبال للنجاة من الفقر ومد الايد والبص على العالى ومش طايلين
الرواية اول تجربة ليا مع الكاتب ومش هتكون الاخيرة لكذا سبب بالرغم من انها قفلتها فى وشى بضبة ومفتاح
بس انا بحب الكاتب اللى مايعيشنيش فى الاحلام ويضحك عليا ويقولى لا ديه الحياة روزيه وانتِ اللى متشائمة حبتين
لا هى الحقيقة بتوجع صحيح اديهالى فى وشى ومتجاملنيش
علشان مااعيش على امل ويطلع مفيش
بأستكم 😄
طيب استنوا هحكيلم حكاية عم خيرى مغ بغلة العرش
واسيبكم تحكموا انتوا
"ايه حقيقة بغلة 🐴 العرش⁉️
هل ترسلها السماء حقا 🌌‼️
بغلة العرش هذه يا أيها الناس ترسلها السماء للموعود فى ليلة القدر من كل عام! تحمل خرجا ملآنا بالذهب الخالص! وفوقه رأس قتيل يئن طول الطريق حتى يخاف منها غير الموعود فيتركها تمضى إلى حال سبيلها".
طيب ايه موضوع الق**تيل ⁉️
ده اختيار هيقع فيه الموعود بثروة لو هو محظوظ نازلة عليه بالباراشوت كادووو
كل الاى عليه ياخد راس الق**تيل ويدفنها عنده فى الحوش ..
وتهطل عليه الثروة فى التو والحال لو وافق بد*فن المراد
وده مين عاقل يرضى يقبل الديل
هى ناقصة شيطنة وعفاريت
راس ق**ت**يل تغور الفلوس لو مصاحبها م**ق***تول
عقول مش مقتنعة بالقصة ومافيها ومقروش عنها ابدا فى كتاب ومتخطرش على البال
لكن مفيش مانع يصدقوها لو هى المبرر الوحيد لظاهرة الثراء الفاحش المستفحل اللى نازل على ناس بعينهم
بس غريبة البغلة مبتروحش ليه للعباد ⁉️
علشان هى عمرها ما بتيجى إلا للساقطين فى الامتحانات
مش بيقولوا نازلة من السماء
يعنى هدية 🎁 على الإجتهاد ومكافآة على ألاعمال
طيب لو بتنزل على الصالحين من العباد
طيب هما بيصلوا فين ونروح نصلى هناك
اصل احنا مابنشوفش حد منهم بيصلى فى جوامعنا اللى هناك
ومسمعناش مثلا عن مشاريعهم الخيرية اللى عملوها او اتبرعوا بها كمان
بس الحقيقة ديه خرافة اخترعها حرامية الفلوس
يداروا بها " من أين لك هذا يا موكوس " خصوصا لو فى قرية مليانة بالجهلاء وضعاف النفوس
هيصدقوا اى اسطورة بدل هتجيبلهم فلوس
وديه حكاية بغلة العرش
اللى بيستنوها كل ليلة قدر 🌙
ياترى هتخبط على باب 🚪 مين من الحى !!!
"الكل ساهر ينتظر قدوم بغلة العرش
الكل يتوهم أنه الاحق بها من غيره
كل واحد يمسك الآن بملف خدمته يستعرض أوراقه"
الرواية احداثها فى السبعينيات
بتتكلم عن فساد وجهل واتباع كل ذو شأن ومال حتى لو حرامى ودجال
سلطة 🥗 ومحدش دارى
وده بقى موجود فى كل زمان بس الإختلاف بقى فى المسميات ومبقاش فيه داعى للخرافات بقى بالبنط العريض بيتذاع
احنا حرا***مية وواكلين حق الغلابة كمان
ليكم شوق فى حاجة ولا ندوسكم بالعربيات وهنطلع منها ولا هنتسأل سؤال
فأحسنلك تمنى نفسك بجنة الرحمن وتقعد تستنى ليلة القدر يمكن ربنا يستجب لدعاءك ويخلصك من دنيا الفساد ..
"الناس على استعداد للإنضحاك على ذقونهم من الاغنياء فكلما كنت غنيت - وان تكن لصا- يثق فيك النلس ويصدقون كل ما تقول حتى وانت تنصب عليهم
فى يقينهم وهم أزلى بأن النصب والإحتيال صفة الفقراء المعدمين وحدهم أما الغنى فليس محتاجا للنصب والإحتيال "..
#مكتبة_دنيا
#قراءات_٢٠٢٢