القصة عادية ، واحدة متجوزة .. تطبخ .. تنظف .. تعمل حاجات البيت .. عادي ... بس هو مفيش شكرا ؟؟!!

ليها هواية و بتحاول يكون لها كينونة، شخصية تعبر عنها .... نعم إيه المطلوب ؟؟!! .. كله عادي

البداية هي النهاية.. طلاق .. بس حنعرف إيه السبب.. خطوة خطوة .. من البداية حتى النهاية.. الكاتبة بتكتب ذكرياتها .. ذكريات أتحفرت على جدران( حجرات) .. كل حتة بتفكرها بموقف.

" الستات دول يحبوا النكد زي عنيهم "

صدقني لو ركزت حتعرف إنها حاجات بسيطة .. بسيطة قوي .. بس تتعمل بحب .. بقلب.

" مش بتأكلي و بتشربي و مكفي بيتي ... مالك؟ .. دا بتر"

ست نفسها في نظرة .. كلمة .. طبطبة ... حاجات بسيطه تديها طاقة و تخليها تكمل ... حاجات لا هي غالية ولا صعبة .. بس ممكن تهد ست ... ممكن تهد بيت

صدقني العادي مطلعش عادي .. طلع بيوجع .. و واحدة واحدة بدأ يبان إن القلب صادق .. زي ما قلب الست حس .. قلب الراجل مكنش بيحس.. الأفعال الغير مقصودة طلعت بتبين الحقيقة.. طلعت red flags.

الرواية نسوية جدا .. فيها حاجات ممكن نحس إنها عادي و طبيعي و بتحصل ... بس كان لازم تتشاف من ناحية الست .. حتفرق قوي .. رسالة حستها مقدمه للرجال.. رسالة مكتوب فيها " عايزة تقدير "

الرواية فعلا فيها الشق دة .. لأن الرسائل بتروح بالغلط لراجل يقرأها، و أظن الكاتبة قصدت الإسقاط

أستمتعت بيها جدا ، و حبيتها جدا ، و مكنتش ملاحق بجد على الإقتباسات.. لو كنت ست حتحسي نفسك.. لو راجل حتعرف مراتك حاسة بإيه