" كيف يسعك أن تسأل المحيط 🌊 عن قطرة 💧 "

ياترى غلطوا لما خدوا هـ " النتفة " ذو التسع سنوات معاهم للحج

كان كل هدفهم يشوف بيت الله الحرام ويحس بالأجواء ويخلص الطواف والوقوف بعرفات ويفرحوا فرحة العيد لكن تأتى الرياح بما لا تشتهى السفن وضاااااع "مشارى" فى الطواف فى زحام الحجاج مبقاش متشاف

تنادى " سمية " بصوت مكلوم

بس مين يسمع ومين يشوف

الكل سارح فى الملكوت

ازاى هندور فى وسط الحجيج

انتِ عارفة يا أم مشارى فى كام طفل تائيهين

وتبدأ رحلة البحث عنه بجنون

أب فقد السيطرة على نفسه وبقى مهموم ، نسى صلاته ونسى طوافه ومشى يدور فى المستشفيات والميادين

عيل تايه فين ألاقيه

اطبع صور ووزع منشورات

فى كل حتة علق اعلان … مكافاة مبلغ من المال

للى يدلنا على هـالمسكين

والام فى صلاتها بتناجى رب العالمين مانسيتش فى محنتها تذكر الرحمن الرحيم

ما سبحانه هو ميسر الأحوال

وما بين تايه وما بين مخطوف

يفضل قلب الأم والأب مفطور

ياترى هنلاقيه سليم من غير ما يصيبه أذى من الخاطفين

ياترى حاسس بإيه هـ " النتفة " زى ما دايما بيدلعوه ما هو من صغر حجمه مايبنش عليه التسع سنين اخره سبع وكده نبقى له كارمين

مش هيستحمل كل البعد ده عن والديه

بس ايمان الأم هو اللى كان مقويها ومصبرها على ابتلائها ومخليها عندها ثقة ويقين وحسن ظن بالله رب العالمين ..

مش هطول فى الكلام عن التفاصيل

لانى عيشت مع الرواية ديه ٣ أسابيع

توتر وقلق وخوف عليه ووجع من أن الشر موجود فى ناس كتير ممكن تأذى وتشوه علشان تاكل عيش

مش مهم هتأذى مين

المهم هكسب ايه

فقر وظلم يوصل لإيه

اختبار صعب ربنا ما يصيبش حد به

هتفقد ايمانك ولا هتتمسك به

هتعدى منه بقلب سليم

ولا هتكفر وتيأس من رحمة الرحيم

اسئلة ❓❓كتير هتدور فى بالك ماتنكرش مهما كانت درجة ايمانك

ليه فيه ظلم 😞

ليه فيه فقر ☹️

اشمعنى هتقولها كتير

ليه يصيبهم المصاب العظيم ده دول حتى فى بيت الله وبيقضوا فريضته بمنتهى الإخلاص

ابتلاء هيؤدى إلى …. الله أعلم ماتحطش نفسك مكانهم لانك مش عارف حالك هيبقى ايه

رواية مؤلمة جدااا ومرهقة لكن رائعة فى سردها ومفرداتها وتعبيراتها ومواضيعها اللى ناقشتها والحمد لله انها مش قصة حقيقية مع انى متأكدة ان الواقع فيه اصعب من كده..

اقتباس موجع 👇🏻👇🏻

📌❞ قيمة قطع الغيار البشرية تتجاوز قيمة الإنسان الحيّ ❝

#مكتبة_دنيا

#قراءات_٢٠٢٢

#قراءات_أكتوبر_٢٠٢٢

#أبجد