رواية دراما نفسية، احداثها كلها بتدور عبر بطلتها رؤى اللي بتكلم سلحفاتها وهي قاعدة جوا دولاب والدها بعد وفاته.
الرواية بجانب انها جميلة وسلسة جدًا في كتابتها، الا انها تقيلة نفسيًا جدًا.لو حد مازال بيعاني من صدمة نفسية نتيجة وفاة شخص قريب منه، منصحش تقراها حاليًا.
الكتاب مش كبير، نوفيلا اكتر منه رواية، الشخصيات هي شخصيات عالأغلب موجودة كلها او اكترها في حياة اي واحد فا تلقائي هتربط مواقف ما بينك وبين الشخصية.
الغلاف عجبني جدًا وسلاسة الاحداث عجبتني جدًا بس فعلًا حاول تتحاشاها مؤقتًا لو انت في فترة معاناة مع فقدان جديد. غير كدة من الاضافات القيمة جدًا .