حواديت بنت النظرة للكاتبة الأستاذة Dalia Bazzan 🌹🌹
مبدئيا انا مش شاطرة اوي ف الريفيوهات بس هقول رأيي من قلبي ف الرواية ❤️ ويمكن فيه حرق للاحداث اعذروني🙈
وهي واحدة من إصدارات المؤسسة العربية الحديثة 😁😍
بنت النظرة وجمال بنت النظرة والتنقل بين الحاضر وذكريات الماضي بمنتهى الرشاقة
انا مش عارفة اوفي الرواية حقها
بس كلها على بعضها جميلة
فيه موقف جميل ف الرواية عجبني لما ظهرت سحابة على شكل قلب لبطلة الرواية وكانت زي رسالة ليها من ربنا لأن البطلة دائما بتنتظر الرسائل دي وبتؤمن بها ودائما ربنا بيبعتها لها.. الموقف دا لمس قلبي وموقف البطلة مع سليم وكلامها معاه عن والدة ابنته نسمة كمان اثر فيا جدا ❤️.. كلها حاجات سابت علامة جوايا
مذكرات والدها اللي بتفتحها بشكل عشوائي وتلاقي فيها إجابات ورسايل ليها.. عمق وجمال العلاقة بين بطلة القصة وذكرى والدها عجبني جدا 🌹🌹
حبيت لما قالت لسليم انها شافت ف ايده ايد والدها وقامت بسرعة ومشيت بعد ما كتبت على كف ايده كلمة ☺️
( نفس اللي حصل معاها وهي طفلة لما والدها كتبلها على أيدها كلمة وقالها لما اوحشك بصي لها )
انا يمكن مبعرفش اعبر كويس عن الحاجة اللي بتعجبني بس عايزة اقول إني حبيت الرواية وحبيت الرسالة ف آخرها اننا نسيب كل حاجة على ربنا وهو اللي عالم بالغيب واللي ليه نصيب ف حاجة هياخدها
آخر جملة بتاعت يالا نلحق القطار حسيت فيها إشارة ان الحياة قدامنا لسة فيها فرص كتيرة يالا نلحقها ونمسك فيها قبل ما تفوتنا ونندم
الرواية ككل جميلة جدا وخفيفة مش مملة أبدا.. برشحها للجميع بكل ثقة ❤️❤️ وبشكر الجميلة الرائعة أستاذة داليا ومستنية جديدها إن شاء الله 😍 😍 وبالتوفيق ليها ف القادم يارب 🥰 😘