قاعد زهقان 😒
قرفت من زن العيال 😩
مش عارف تروح أى مكان 🤔⁉️
الكنبة 🛋️ اشتكيت من كتر القعاد
قدامك حل 💡
يا تقوم تروحلك أى مكان تروق فيه الدماغ 😌
ونجيب ميزانية ازاى لسفرية من بتوع زمان 🤷♀️
يبقى عليك وعلى الكتاب وأدب الرحلات
حاسة أنى بعمل اعلان 😄
هو حقيقى اعلان تعلن جيوبنا الحالية عن الإفلاس
فبناء على هذه الأحوال
قررنا نطلع سفرية من خلال كتاب 📕 وهتتفاجأ أنك طلعت كذا مكان وأنت قاعد فى بيتك وجنبك كوباية الشاى ☕️
صفى الأجواء واربط الحزام واقلع ✈️ على بلدان ذكرت فى كتاب هينسيك هم العيال ودوشة الطلبات
حقيقى تجربة ممتعة جدااا قابلتها فى أول تجربة ليا مع أدب الرحلات … وأفتكر أول جملة قولتها وأنا لسه فى أول بلد ذكرت فى الكتاب
أنا سعيد قوى بحياتى 😄طول ما أنا بقرأ الكتاب ( بصوت طه الدسوقى فى الصفارة )
سافرت وروحت وجيت وزورت أماكن كتير
برعت نهى فى وصف الأماكن وحواديتها بشكل مريح
مع كل مكان حسيت نفسى واقفة فيه وبتخيل آثاره وبسمع حكاويه
بجد شعور رهيب وكأنى لفيت معاهم بين القصور والميادين…
قاريت بمزاج عن كل مكان ولأول مرة ما دورش ورا أى معلومة كانت فى الكتاب حسيت أن وصفها وكلامها رضى فضولى أدت كل مكان حقه وحتى ماسمحتش لينا ندور على صور للأماكن اللى ذكرت
يعنى عايز معلومات خد
عايز صورة للمكان خد 😄
كفيتِ ووفيتِ يا نهى ومكنتش عايزة ارجع من السفر 😍 أصلى حبيت الموضوع قوى 💙😄
#مكتبة_دنيا
#قراءات_٢٠٢٣