سلام علي إبراهيم محاولة سيئة لكتابة أحداث تاريخية علي شكل رواية!

الرواية (مع إنها مش رواية) تدور أحداثها بعد الحرب العالمية الثانية وقت حكم الملك فاروق و تلقي الضوء شوية علي فترة حكمه و الناس المحيطين به وعن علاقاته العاطفية مثل علاقته بالممثلة كاميليا كما إنها فيها ذكر لبعض الأحداث التاريخية أيام حكم محمد علي وابنه إبراهيم و هو طبعاً المقصود في العنوان و الصراحة العنوان جذاب و يمكن يكون احلي حاجة في الكتاب دة..

لغة الكاتب عادية..مفيش حبكة و لا شخصيات و لا أي حاجة ممكن اتكلم عنها عشان مش موجودين أساساً..

محمد عفيفي هو أستاذ تاريخ في جامعة القاهرة ولكن مع كامل الأحترام له مش أي أستاذ تاريخ ينفع يكون روائي..الروايات ليها أساسيات مختلفة وهذا الكتاب لا علاقة له بأي من هذه الأساسيات لا من قريب و لا من بعيد!

تقييمي نجمة و لكن في بعض المعلومات التاريخية اللي عرفتها مع إنها مش كتير يعني بس عشان خاطرهم حرفع التقييم لنجمتين..

الرحمة شوية علي القراء والنبي..

#استوينا