رغم اني مش من هواة الشعر.. لكن مين ما يسمعش أشعار احمد فؤاد نجم وما يحبش يسمعها
كنت باخد عليه حاجات كتير..
وبالوم عليه حاجات كتير..
لكن انا معاه ومع غيره (وبعد سنين) دايما بافكر انت لو كنت في مكانه، وعشت حياته واتعرضت للي اتعرض له.. كنت هتبقى ايه؟!
الواحد أخد سنين عشان يتعلم يرفض التصرف الغلط، مفيش مشكلة.. لكن ما يحكمش أحكام نهائية على الأشخاص
الكتاب بيأكد لي نفس الكلام
وبعدين الواحد شاف جانب لا شافه ولا عمره كان هيعرفه.. الجانب الانساني.. ازاي الراجل اللي تشوفه تلاقي لسانه ما بيرحمش حد.. يتغاضى عن كوارث بيعملها الناس اللي حواليه عشان "ما نعرفش ظروفه ايه"
الراجل اللي كان بيخبط في شعره في اكبر مسئول.. يطلب شاي للي جايين يقبضوا عليه على ما يجهز شنطته!!
فعلا.. you never know
رحمة الله عليه