بتبدأ أحداث الرواية بأكتشاف موت فوزان الطحاوي علي سريره كأنه نائم في وضعية الجنين ضامم رجله لصدره، بيكشتف موته رجل من رجال عائلة الطحاوي، و الي اقتحم بيته المتهالك لما عرف خبر وفاته و قرر يفتش عن سر (فوزان الطحاوي) و بين اغراضه بيلاقي صورة.. صورة ابيض و أسود قديمة عبارة عن طفل علي ظهر فرسة بيضاء و أتنين رجالة و سيدة ((خواجاية)) إنجليزية
و خلف الصورة كُتب.. الست ميتسي الإنجليزية، مرعي أفندي المصري، و أخيراً سليم أفندي حقي..
يا تري.. مين دول، و علاقتهم ايه بالرجل الميت علي سريره، و ايه علاقة الفرسة البيضاء بقصتنا الرائعة دي؟؟
في البداية أحب اقول ان رواية مقامرة علي شرف الليدي ميتسي حقيقي رواية تستحق القراءة، و عمل أدبي متقن متعوب عليه و دا الي هنعرفه في المراجعة ♥️👌
دلوقتي أحنا قدام عمل أحداثه بدور في سنة ٢٥، يعني كان طريقة كلام الناس و لبسهم و ألفاظ بعض الاشياء زي العربيات و الادوات الكهربائية و الأمثلة الشعبية مختلفة تماما عن الحاضر
و هنا يرفع القبعة احتراما للكاتب، علي محافظته لكل التفاصيل الي تدخل القارئ في هذه الحقبة..
و عشان تفهم اكتر نتكلم عن اللغة و السرد و الوصف
لغة العمل عربية فصحي جميلة و قوية و مواكبة أجواء العمل بكل براعة و سلاسة.. و من اقوي جوانب العمل هو الــحــوار، الي كان شديد الأتقان في اختيار الألفاظ الي كانت موجودة في الزمن دا بل و حفاظه علي تميز كل عرق بلغة مختلفة
يعني مثال أهل البندر مش بيتكلوا زي أهل البدو، و الخواجات و الأفنديات برده لسانهم يختلف عن باقي الشعب
و دا كان شيء في منتهي المتعة لانه ركبك آلة زمنية و رجعك للزمن دا
كذلك الوصف.. وصف المكان و الشوارع و السيارات (الاوتومبيل) و ملابس الأشخاص كل دا كان بمشهادية عالية كأنك بتشاهد فيلم سينمائي.
شخصيات العمل في قمة الجمال.. شخصيات حقيقية من لحم ودم تتعلق بيهم و تحزن لحزنهم و تصدق مشاعرهم
كل شخصية لها دوافعها و شرح كافي ل (ليه هي بتعمل كدا) و العمل كان بيلعب علي حتة التعلق بالأمل، التعلق المرضي، حتي لو المنطق بيقول ان خلاص فات وقت ان يكون في امل اصلا بس مازلت متعلق بشيء من سابع المستحيلات أنه يحدث
العمل كله بيتمحور حول الأربعة شخصيات الي تم ذكرهم في الاول و الي ربط بينهم هو نفس المأساة و المشكلة...
بالرغم من ان الرواية تعتبر كبيرة نسبياً الا انك صعب تزهق منها، هي رحلة ممتعة بتغوص جواها بدون شعور و الي ساعد على دا هو تسلسل الاحداث الي كان سهل و غير مربك، و مشوق🤯
أتمني اكون عرفت أظهر قد ايه فعلا العمل جميل و اي قارئ هيستمتع بيه جدا ♥️♥️