بتبدأ احداث القصة الفصيرة اوووي دي ببطل وقع في الحب، و بكل بساطة بدأ انه يفكر في وظيفة اخري للمزيد من الدخل و تمكنه من فتح بيت و تربية اولاد و هكذا، و لكنه بيفشل في العثور علي وظيفة بعد بحث طويل.
و في يوم يقرأ في أحد الجرائد عالِم طالب متطوع للقيام بتجارب علمية عليه و المقابل فلوس كتير و توقيع علي عدم الشكوي في المستقبل من اي مضاعفات.
هل بطلنا هيروح و يخاطر بنفسه في حاجة زي دي ؟
و هل لو راح أثر التجربة عليه هتكون عاملة ازاي، و علي من حوله من بشر؟
و السؤال الأهم هل هيعرف يكسب حبه؟
يصلح العمل لعامة القراء⚠️⚠️
العمل اقصر حتي ان يطلق عليه نوڤيلا دا كله ٢٥ ص، ولكنه عمل لطيف جدا، بفكرة حلوة و ترجمة جيدة جداا
الكاتب بيعرض فكرة اولا ان الحب شيء يستاهل المجازفة لكي تنال به، ولكن هل الشخص الي بتجازف له دا يستاهل تعبك
و كمان بيناقش قضية تقبل الأخرين، و التعايش مع من هم مختلفين عننا في الشكل او غيره
فعلا في اقل من ٢٥ ص الكاتب قدر يوصلي احساس المسؤلية و الوصول لحلمك (حبك)، حتي مشاعر خيبة الأمل و الغضب وصلت لي و اعجبت جداا بأخر جملة في الكتاب (كانت علي لسان البطل جون).
الخلاصة، عمل هيخلص معاك حرفيا في اقل من ١٠ دقايق و هتاخد منه فكرة حلوة و واقعية و ترجمة لطيفة ♥️