كورالاين...قصة للأطفال..وللأطفال وبس!

ساعات الواحد بعد قراءة كتب تقيلة يقرر يقرأ كتاب خفيف خصوصاً لو معظم المراجعات عليه بتقول إنه كتاب ممتع...

بس مش أي كتاب خفيف ينفع تقراه...!

الكتاب هنا مجرد قصة عن طفلة بتحب الاستكشاف ..دخلت بيت مهجور و ووجدت نفسها في عالم موازي..ليها أم تانية وأب تاني ...بتشوف كائنات غريبة وحيوانات بتتكلم وعلي الرغم إنها كانت تعيش حياة مملة في بيتها الأصلي إلا إنها ستظل تحاول الرجوع لحياتها السابقة و العثور علي والديها...

الصراحة الكتاب مكتوب حلو والترجمة أكتر من ممتازة بس القصة مستواها لسن ١٢-١٤ سنة بالكتير...

مش من نوعية الكتب اللي أحب أقراها وحتي لو محتاجة كتاب خفيف..أحب أقرأ كتاب يكون ممتع أو مفيد أو حتي يخليني أضحك بس الكتاب هنا مفيهوش أي حاجة من دول...ده حتي كتاب كئيب!

نجمة للترجمة الرائعة والنجمة التانية...مش عارفة الصراحة...ممكن أشيلها بعد كام يوم:)