مشروع قراءات موسم الرعب - أكتوبر ٢٠٢٣
شدني العنوان ان القصة مستوحاة من أحداث حقيقية، مفيش حاجة تخوف في قصص الرعب أكتر من الكلمة دي، بتخليني أفضل فاكر طول الرواية إن ده حصل لناس حقيقيين (طبعا عارف إن الأحداث بيتزود عليها خلطة بهارات من الخيال لجعلها أكثر إثارة) بس دايما بيفضل ده أكتر شيئ مرعب فيها.
القصة نفسها من نوع "البيت المسكون' بمعالجة دينية عن السحر الأسود ومواجهته بالقرآن والمشايخ، والأحداث مكتوبة بطريقة مشوقة تخليك مستني تعرف ايه اللي هيحصل بعد كده بدون تطويل مالوش لازمة أو إفراط في الخيال لزيادة جرعة الرعب، مع إن الكتاب مش صغير....
عجبني كتابك وكتابتك يا مروى، وناوي أعدي عليكي تاني خلال موسم الرعب السنة دي...
محمد متولي