في البداية مش عارف اقول ايه..!
حقيقي الرواية مختلفة!
أفكار كتير، أحداث كتير، تشويق كتير!
وصدمة.. متوقعة..!
الرواية فكرتها جديدة بالنسبة لي
الكاتب طرح أفكار كتيرة تحتاج لكتب وروايات عشان تتفصص كل فكرة وتاخد حقها..!
حسيت بنوع من السهولة والسلاسة وأنا بقرأ الرواية، كأنها كانت بتجري ومش ملاحقها وبحاول استوعب رايحة على فين..! 😂
من أكتر الحاجات اللي بتجذب القارئ هي المقدمة، والمقدمة في الرواية مشوقة وجميلة وكأنها فيها ملخص الرواية كلها للي يركّز..!!!
الحبكة متقنة ولو إن النهاية تلغبط، بس أعتقد ده تفسيره بإن الرواية ليها جزء تاني ويمكن تالت..!!
اللغة بسيطة مش معقدة وحقيقي حبيت طريقة الكاتب في التقديم وأعتقد مش هتكون آخر حاجة أقرأها ليه
في العادة مش بكون متحمس للروايات الممزوجة بالتاريخ، وبحب أقرأ التاريخ نفسه من غير ما يدخل فيه أي عنصر..
بس الرواية دي غيرت فكرتي ويمكن اجرب أغوص في حاجة شبهها كده 😁
البداية 3/1/2024
النهاية 5/1/2024
أولى قراءات 2024 🥰