*تحذير : هذا الرأي الشخصي يحتوي علي حرق للاحداث ⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️
1- العمل ده بالنسبة لي فكرة قتلها التنفيذ .
2-بعض النقاط اللي هي بالنسبة لي سلبية في العمل يعتبر مردود عليها في العمل و لكن انا شايفها غير منطقية بالمرة .
3-بالرغم من إن المقدمه حلوة لكن شايف انها كبيرة جدا
4-مشهد افتتاح الروايه رائع جدا و جميل و لازم أعترف إنه شدني للعمل ، و لكن ازاي الهاتف المحمول كان شغال في الماضي ، لا ومش بس شغال ده اخده معاه و هو مسافر !!!
5- اسلوب السرد في العمل كان سئ جدا و كذلك اختيار بعض الكلمات غير مناسب لزمن الرواية .
6-لقاء نائل و شريف كان ممل جدا و كان ممكن شرح شريف للفكره كان يبقي حجمه اقل من كده و يبقي مركز و نقدر نستوعبه صح.
7-عدم منطقية إن شريف قضى اليوم مع نائل لحد ما منيرة رجعت من الشغل ، عشان مع افتراض ان منيرة بتشتغل ست ساعات فانا محسيتش ان شريف قعد الوقت ده كله مع نائل بل حسيت انه اقل.
8- سوال مهم جدا بيطرح نفسه عليا المفروض إن منيرة بالاتفاق مع الطبيب المعالج لحالة نائل استخدموا العصير كطريقه لضمان محافظة نائل علي تناوله ... يبقي ازاي بقي حالة نائل حصل فيها تدهور !!!
9-ازاي المحضر جه باعلان المحكمه لنائل يوم اجازة عيد العمال ؟!
10- بالنسبة لي قصة الحاج مراد و احلام غير منطقيه بالمره و منقوصه جدا 11-مشهد تغيير منيرة لموقفها تجاه والدها غير منطقي و يفتقد للدافع
12- دفتر نائل ولا دفتر عز ، يعني هل الدفتر ده كان عند نائل و كتب فيه القصة من اول و جديد وده غير منطقي و لا ده دفتر عز و في الحالة دي مينفعش يكون فيه قصة أحلام.
13-بالنسبة لخلاف احلام و منيرة ، ازاي منيرة ولا فكرت ان والدتها مقطوعه من شجره و مفيش ليها اقارب ؟!
14- مدة اختفاء نائل اللي وصلت ل 8 شهور مده كبيرة بالنسبة لحد غير متزن في حالة نائل كان ممكن يبقي فيها تفاصيل مختلفه تحسسني بطول المدة دي ، لكن هو مذكرش تم فيهم إيه أصلا .
15-بالنسبة لفصلين المحكمه فانا معترض علي التسمية هي جلسة واحده ، ليه نسمي الجلسه الاولي و الجلسه الاخيرة ؟! كان ممكن نسمي فصل المحكمه و التاني الحكم مثلا.
16- بالنسبة لحكم المحكمة بوضع نائل في المصحة النفسية للعلاج ، فقد تم الرجوع لخبير قانوني كان رده إن المحكمه مختصه فقط بالنظر في موضوع القضية المنظور امامها (قضية الملكيه الفكرية) و ليس لها السلطه بالحكم بوضع نائل في مصحه للعلاج.
17- مشهد حديث نائل و عز غير منطقي ومش مفهوم بالنسبة لي و كمان ازاي قدر عز يوفر لنائل بدله عشان يسافر و المفروض اني السفر مش ل اي حد و ليه اساسا عز يدي فرصه لنائل للسفر !!.