رواية : لخمس ساعات لا أكثر.
الكاتبة : خلود مصطفى.
دار النشر : الرسم بالكلمات.
تقييمي : ⭐⭐⭐⭐⭐ .
---------------
الرواية تحكي قصة خمس أشخاص غرباء عن بعض كل واحد مُتجه لمكان لهدف مُعين و هيتقابلوا كلهم في طريق صحراء في جو عاصف و ماطر و شجرة تقطع طريقهم عن الوصول لأهدافهم .
رواية جميلة نهايتها أبكتني و تأثرت منها جداً ... حزنت على نهاية ساندرا و حليم و لكن فرحت لـ ليلى و آدم إنهم قدروا يوصلوا لأهدافهم في النهاية .
اللغة جميلة جداً لغة عربية فصحى سليمة و مفيش أي أخطاء إملائية قابلتني و ده كان شئ مُريح في القراءة .. الرواية اخدت مني جلسة واحدة بس بصراحة من أول ما فتحتها مقدرتش اسيبها لحد ما خلصتها .♥️
شوفت بعض مراجعات الأصدقاء هنا إنهم شافوا مثل الأحداث دي في أفلام قبل كده و أنا كمان بتفق معاهم ..
أول مرة اقرأ للكاتبة خلود مصطفى و بإذن الله مش آخر مرة لأنها كاتبة رائعة و واثقة إنها هتكون من الكُتاب الكبار في المستقبل بإذن الله .♥️♥️
الغلاف و الإسم حلوين اوي 👌🏻👌🏻
#مسابقة_قراءات_قبل_المطبعة
#دار_الرسم_بالكلمات