أول حاجة جت في بالي بعدت ما خلصت الدنيا اللي في بالي " بسيط كالماء واضح كطلقة مسدس "

لرياض الصالح حسين

هو أبلغ وصف للكتاب بأمانة شديدة

بسيط مش لمحتواه خالص

هو بسيط عشان شخصياته و قصصه و تفاصيله مرسومين ببساطة بلا تعقيد أو افتعال

بسيط لأن أبطال القصص مخطرش في بالهم في أي لحظة من لحظات حياتهم انهم ممكن يكونوا ابطال قصة أدبية

واضح كطلقة مسدس

لان أبطاله مش بعيد عن القارئ او الكاتب كمان

مش عايشين في عالم آخر ملئ بالأحداث الدرامية المركبة المعقدة اللي بنسأل نفسنا بدهشة و احنا بنشوفهم في فيلم او نقرأهم في رواية " لو كنت مكانه كنت عملت ايه او حسيت ايه ؟"

بالعكس بقى كل الابطال يمكن عشنا يومهم او بنعيشه او هنعيشه يوما ما بنتشارك في التفاصيل اللي تبدو بسيطة بس أثرها مش بسيط أبدا

و ده اللي بيخلي وقعه عليك و انت بتقرأ مش سهل لأن تفاصيلك و مشاعرك تجاه ابسط الاشياء ظهرت بين ورق كتاب و اصبحت على المشاع

اصبحت واضحة كطلقة مسدس

قرأته على مهل

كل يوم 3 قصص تقريبا بعد فنجان القهوة

استمتعت جدا بكل قصة و كعمل أدبي كان في غاية العذوبة و الربط بين القصص جميل و اوقات مدهش

نتمنى الغيبة متطولش على عمل جديد ان شاء الله