لما قريت كتاب اندي ميلر الكاتب والصحفي الامريكي ( سنة القراءة الخطرة)رايه في كتابات دان براون استغربت جدا هو باختصار بيعتبركتابته متواضعة ادبيا واستهلاكية كان عندي انطباع ان دان براون في امريكا حاجة كبيرة كدة نجيب محفوظ امريكا لكن الحقيقة غير كدة خالص
ودة اثار سؤال جدلي ازلي لولبي "هل كتابات دان براون و الكتابة البوليسية التشوقية بشكل عام هي كتابة استهلاكية واقل ادبيا وفنيا؟
الى حد ما اة يمكن عشان الكتابة اللي من النوع دة بتعتمد على عناصر الحبة والاثارة اكثر من اعتمادها على الفنيات والبناء الادبي وعمق الشخصيات
لكن دة مايمنعش ان ليها متعتها الخاصة
وكمان لو كانت من نوعية كتابات دان براون بتفتح مواضيع وافكار وبتعرف على ثقافات وفنون
ولو هنقيم الاصل فلازم نلتزم بتقييمه في اطار التصنيف دة وطبعا هيكون تقييمه عالي جدا كتاب اثارة وتشويق من الدرجة الاولي غالبا مش هتقدر تسيبه غير لما تخلصه لكن كالعادة صعب تفكر ترجع تقراه تاني
عيبه الوحيد من وجهة نظري ان مافيش جديد في الاطار العام لشخصيات راويات روبرت لانجدون وان حاول دان براون انه يرسم الشخصيات دي بشكل مختلف في نفس الاطار