باب 🚪 الزوار

🤗🛅

Bienvenu en Algérie 🇩🇿

اول ما هتشوف العنوان هيجى فى دماغك 💬" قاعة الزوار " 🏢فى المطار ✈️

أو ده اللى جه فى بالى أول ما مسكت الرواية 📖

بس اللى متعرفهوش ان باب 🚪 الزوار ده طلع اسم بلدية فى الجزائر 🇩🇿

الكاتب حب يفسحنا المرة ديه فى جو جزائرى فى التسعينات 9️⃣0️⃣ويعرفنا على مدينة 🌃 جديدة مش بعيدة عن العاصمة الجزائرية اسمها

« باب الزوار »

، أزمة شعب عاش فى ارهاب فكرى وارهاب نفسى طوال 🔟 سنوات

"لا يخلو دار من فقد : إسلامى الهوى ، أو دركى الوظيفة ، أو فقط قاده قدره إلى حيث يحصد الإرهاب رؤوسا بالجملة بغرض بث الرعب. كل من بقى فى الجزائر إما مات هو ، أو مات أحد ذويه، أو مات قلبه، إلا من رحم ربى"

وده اللى حاول الكاتب يظهره بصورة مخففة غير صادمة … عارف انت لما تطبخ طبخة 👩🏼‍🍳🥧حلوة قوى بس عايز تحط الدوا 💊فى نصها مدارى علشان ولادك ياخدوه

قال يعنى وهما مش واخدين بالهم وبالشفا وكده 😁

الكاتب عمل كده حط الصدمات مخففة فى وسط الكلام مدارية علشان ميقلبش المواجع على القارىء اى كانت جنسيته.. شطارة منه اكيد بس انا ☝🏻 عن نفسى احب اجيب تاريخ المأساة من أين نشأت 😂

يعنى المآساة بالمدارى مياكولش معايا عيش 🥖

طيب ناخد جولة كده فى السريع فى البلدية

ادخل كده فى وسط المساكن وبين الحوانيت هيقبلك مشغل" شي صالح" بعده بشوية هتلاقى 🏠 بيت صالح وباهية

وبناتهم بسسسسس عندك بقى شوية 🛑✋🏻

ده هو ده حجر 🧱 الاساس فى الرواية واللى كنت قاعدة مربعة ومستنية المآسى بقى تطلع من البيت ده 🏚 …

“ما الذى يؤلمها أكثر ؟

هروب امها من الجحيم وفراقها

أم كونها هربت من دون أن تأخدها معها؟

هروب الام أثقل من موتها …”

وادى اول فقد 😢 حضرت المناديل 🧻

بس مخلصتهاش ما انا قولت الجرعة مخففة 😁

واخدنى الكاتب ✍️ من ايدى على بيت 🏠 تانى

فى قصة " محسن " مدرسة اللغة العربية اللى ساب بلده وراح مع اللى راحوا بحثا عن لقمة حلوة فى بلد شقيق وهى بصراحة اللقمة هناك حلوة قوى 😋 قصدى لقمة الاكل طبعا … ورقة وقلم 📝 واكتبى ورا الشيف محمد اسماعيل 👨🏻‍🍳

هتجوع هتجوع وانت بتقرأ الرواية لا مفر 🙅‍♀️

نرجع للاستاذ محسن بقى اللى خلاص بقى متشعلق ومشتت بين مصر 🇪🇬 والجزائر بين زوجته وبنته وبين شغله وعيشته ..

"صرت غريبا حتى عن مساجدنا يا سناء فكيف أعود؟"

وبيت تالت ورابع هتزوره وتعيش مآساته فى بريڤ على السريع 🏃‍♀️

كل بيت فيه فقد من نوع مختلف بسبب الازمة اللى مرت بها البلد …

"لعن الله من كشف عن هذا البلد سلامه وترك أهله وقودا 🔥لنار صراع سياسي قذر"..

نحزن شوية ونبدأ نعيش فى الجو 🥺😢

يروح هوووووب لاهينا فى 🤩🥘 اكلة حلوة لسه طالعة من فرن بيت الجيران وهما بيواسوا بعض … شميت الريحة 😋

طيب جوعت 😉… انا تخنت من مجرد التفكير 😂

طبعا انا كنت مستنية ذروة المأساة …

و بما انى بحب لما اقرا النوع ده من الروايات اللى بيقتحم فترة زمنية معينة فى حياة بلد ما يبقى تدينى فى المآساويات وانا احبك يا فنانس 🤦🏼‍♀️ …

الكاتب كانت ايده حنينة فى المآساويات وزود فى الاكلات … الكاتب الحنين رزق برضه 😃

رواية من وجهة نظرى عميقة الفكرة بسيطة فى سردها مُلئت بمشاعر مكتومة فى البيوت بتطلع بشكل أو بآخر وقت حدوث ازمة … مثال :

حبيت علاقة فاطيما بأبوها صالح جدااا واللى مكنتش ظاهرة بسبب ظروف معينة مش هعرف احكيها بقى ..

بس دايما للحقيقة أوجه كثيرة 👌🏻

"تزداد كل الصور قبحا كلما اقتربنا منها أكثر. ربما اتضح جمالها إذا تعمقنا فيما وراءها"..

نركب الطيارة ونلف ونرجع بقى لقواعدنا ونعدل لسانا اللى اتعوج طول ما احنا فى الرحلة

ما بين اللهجة الجزائرية مع شوية فرنسية ☺️

Au revoir 👋 Algérie 🇩🇿

‎ كان وقت لطيف